http://photos.state.gov/libraries/adana/5/logos/EducationUSA_logo_color_120x70.jpg

© US Embassy Tashkent

Toshkent shahrida istiqomat qiluvchi yoki Toshkentga kelish imkoniyatiga ega bo’lgan talabalar diqqatiga!

Toshkent shahridagi AQSh elchixonasida joylashgan Ta’lim maslahat markazida kelayotgan kunlar talabalar uchun maxsus bir necha muhim axborot sessiyalari tashkil etilmoqda. Ularda AQShda grant asosida o’qish, grantlarni topish yo’l-yo’riqlari hamda AQShda o’qish sir-sinoatlariga oid muhim ma’lumotlar beriladi. AQShda o’qish niyatida bo’lgan barchaga ushbu yig’inlarda qatnashishni tavsiya qilamiz.

1. 9-yanvar kuni 16:00 da AQShning Barea kollejida o’qigan o’zbekistonlik talabalardan biri ushbu kollejga kirish yo’l-yo’riqlari haqida ma’lumot beradi. Barea kollejining o’ziga xos jihati shundaki, unda xorijlik talabalar uchun 100 foizlik grant beriladi. Albatta, bu kollejning xorijliklarni o’ziga eng ko’p jalb etadigan jihatlaridan biri. AQShda bepul ta’lim olish istagida bo’lganlarga ushbu axborot sessiyasini o’tkazib yubormaslikni maslahat beramiz.

2. Bundan tashqari, 16-yanvar kuni 16:00 daIllinois universitetida tahsil olayotgan yana bir o’zbekistonlik talaba AQShda biznes boshqaruvi (MBA) bo’yicha o’qish sir-sinoatlari va o’ziga xosliklari haqida ma’lumot beradi. Shu soha bo’yicha o’qishga qiziqayotganlar bu uchrashuvga tashrif buyurib, o’zlarini qiziqtirayotgan savollarini Illinois universitetida o’qiyotgan yurtdoshlariga berishlari mumkin bo’ladi.

3. Shuningdek, 23-yanvar kuni 16: 00 da “Fulbrayt” dasturi bo’yicha AQShda o’qiyotgan yana bir talaba ushbu dasturda qatnashish va tanlov bosqichlaridan muvaffaqiyatli o’tish yo’l-yo’riqlari haqida axborot beradi.

4. 30-yanvar kuni 16:00 da esa universitetlarni va o’quv kurslarini internet orqali topish yo’llari haqida seminar bo’ladi.

Ushbu uchrashuvlarda qatnashish uchun yig’in boshlanishidan kamida 48 soat oldin ro’yxatdan o’tishingiz lozim. Ro’yxatdan o’tish uchun Tashkent-Advising@state.gov elektron pochtasiga shu haqda murojaat qilishingiz yoki 140-2447 telefon raqamiga qo’ng’iroq qilishingiz kerak.

Murojaatingizda o’zingiz haqingizda quyidagi ma’lumotlarni qoldirishingiz lozim:

• To’liq ism familiyangiz;
• Pasport nomeringiz;
• Tug’ilgan yil va kuningiz;
• Qaysi kungi va vaqtdagi tadbirlarda ishtirok etmoqchi ekaningiz haqida ma’lumot.

AQShda o’qish uchun grant topish yo’l-yo’riqlari haqida yozgan maqolalarimizni o’qishni ham esdan chiqarmang:

Birinchi maqola: Diqqat: AQShda o’qishni istovchilar uchun yordam beramiz!

Ikkinchi maqola: AQShda ta’lim: Qayerda va nima o’qimoqchisiz?

Uchinchi maqola: AQShda ta’lim: Grantlarni qanday topish mumkin?

To’rtinchi maqola: AQShda ta’lim: Hujjatlarni topshirish jarayoni