Central-Asia-Program-other-01-e1409251782398Jorj Vashington universitetining Markaziy Osiyo dasturi Markaziy Osiyo bo’yicha tadqiqotlarni rag’batlantirish maqsadida “Markaziy Osiyo tadqiqotlari bo’yicha eng yaxshi bitiruvchi talaba ilmiy ishi” nomli tanlov e’lon qildi.
G’olib talabaga $300 pul mukofoti beriladi hamda maqolasi “Markaziy Osiyo masalalari” (Central Asia Affairs) jurnalida chop etiladi.
Ishtirok etish shartlari:
  • Tanlovda ishtirok etmoqchi bo’lgan talaba magistratura yoki aspirantura talabasi bo’lishi hamda Markaziy Osiyo mavzusida magistrlik yoki aspirantlik ilmiy ishini (diplom yoki ilmiy daraja ishi) yozayotgan bo’lishi kerak.
  • Maqola ingliz tilida topshirilishi kerak (O’quv yurtida yozilayotgan ilmiy ish ingliz tilida bo’lishi shart emas)
  • Maqola mavzusi Markaziy Osiyo, jumladan, Qozog’iston, Qirg’iziston, Tojikiston, Turkmaniston hamda O’zbekiston hududlarini qamrab olishi kerak. Afg’oniston, Sharqiy Turkiston, Mongoliya hamda Volga-Ural hududiga oid yozilgan maqolalar ham qabul qilinadi.
  • Tarixiy mavzudagi maqolalar ham qabul qilinishi mumkin, faqat ular bugungi zamonaviy masalalarni tushunishda yordam berishi kerak.
  • Maqola original tadqiqot ishi bo’lishi lozim. Mavjud adabiyotlarga yozilgan sharhlar qabul qilinmaydi.
  • Maqola 6000 va 8000 so’z orasida bo’lishi kerak.
  • Maqola ilmiy asar yozish shartlariga rioya qilingan holda taqdim etilishi kerak:
    • Ko’pi bilan 150 so’zdan iborat abstrakt (ma’lumotnoma);
    • Kirish qismida olg’a surilgan gipoteza (ilmiy masala);
    • Bir necha qismdan iborat asosiy bo’lim;
    • Tadqiqot natijalarini jamlovchi xulosa;
    • Snoska va havolalar;
    • Bibliografiya bo’lishi kerak.

Tanlab olish jarayoni

Markaziy Osiyo dasturi qabul qilingan barcha maqolalarni ko’rib chiqib, eng yaxshi 10 tasini tanlab oladi. Tanlab olingan maqola mualliflariga e-mail orqali xabar beriladi. So’ng tanlab olingan maqolalar maxsus ilmiy qo’mita ko’rigiga havola etiladi. Ular eng yaxshi maqolani g’oliblikka taqdim etadi.

Dastur uchun hujjatlarni yuborish

Tanlovda qatnashish uchun maqolangizni, rezyume hamda talabaligingizni tasdiqlovchi hujjatni (“Word” yoki “PDF” shaklida) infocap@centralasiaprogram.org elektron manziliga yo’llang.

Hujjatlarni topshirish muddati 2014-yil 15-oktabrgacha.