Fulbrayt chet tili o’qituvchi assistenti dasturi

Posted May 19th, 2015 at 10:24 pm (UTC-5)
Leave a comment

Fulbrayt chet tili o’qituvchi assistenti dasturi

Fulbrayt Chet Tili O‘qituvchi Assistenti (ChTO‘A) dasturi granti bir akademik yilga berilib, asosan avgust oyida boshlanib may oyigacha davom etadi. ChTO‘A ilmiy daraja BERILMAYDIGAN dastur bo‘lib, asosiy maqsadi AQSh kollejlari va universitetlarida chet tilidan dars berishni takomillashtirish, shu qatorda ingliz tili o‘qituvchilari yoki bo‘lg‘usi o‘qituvchilarning mahoratlarini takomillashtirish, ingliz tili bilimlarini oshirish hamda AQSh jamiyati va madaniyati to‘g‘risidagi tushunchalarini kengaytirishdir. ChTO‘A ishtirokchilari AQShdagi mezbon jamiyatlar bilan o‘zaro suhbatlarda, o‘quv dasturidan tashqari tadbirlarda va jamoa bilan bog‘liq ijtimoiy loyihalarda hamkorlik qiladilar. ChTO‘A ishtirokchilari ikki horijiy til bo‘yicha kurslarda ta’lim berishlari yoki yordam berishlari mumkin. Ishtirokchilar bir semestr davomida kamida ikki kurs o‘qishlari kerak, shundan bittasi amerikashunoslik fanlaridan bo‘lishi shart. Qolgan kurs ishlari ingliz tilidan dars berish faoliyatiga aloqador bo‘lishi lozim. ChTO‘A ishtirokchilarining madaniy tadbirlar o‘tkazishi, tilshunoslikka oid klublar va uchrashuvlar tashkil etishi ham ko‘zda tutilgan.

Tanlov talablari:

Nomzodlar –

  • Ingliz tili o‘qituvchilari yoki ingliz tili o‘qituvchiligiga o‘qiyotgan;
  • Ingliz tilini mukammal o‘zlashtirgan bo‘lib, 550 dan kam bo‘lmagan ballga ega bo‘lishlari (qog‘oz-asosidagi TOEFL uchun);
  • 213 (kompyuter asosidagi TOEFL – CBT);
  • 79-80 (internet asosidagi TOEFL – IBT) yoki
  • 6.0 (umumiy baho xalqaro Ingliz Tilini Test qilish Tizimi – IELTS);
  • Tanlov jarayoni davomida o‘z mamlakatlarida istiqomat qilishlari;
  • Etuklik, mustaqillik, to‘g‘ri so‘zlik va professionalizm kabi xususiyatlar egasi bo‘lishi lozim.
  • ChTO‘A ishtirokchilari to‘qqiz oylik dastur tugashi bilan o‘z mamlakatlariga qaytishlari shart. Muddatni cho‘zish bo‘yicha so‘rovlar qoniqtirilmaydi.
  • Ishtirokchilar qaramog‘idagi shaxslar ushbu dasturda unga hamrohlik qila olmaydilar.

Dastur tomonidan ta’minlanadigan ehtiyojlar:

Barcha ChTO‘A ishtirokchilari oylik stipendiyalar, kasallik va baxtsiz hodisalar ehtimoliga qarshi sug‘urta to‘lovlari, safar xarajatlari uchun mablag‘lar bilan ta’minlanadilar.

Hujjatlarni 2015-yil 15-iyun soat 20:00 gacha topshirishingiz lozim. Anketa internet orqali SHU YERda to’ldiriladi va qo’shimcha hujjatlarni Toshkentdagi AQSh elchixonasiga olib borib berishingiz kerak.

AQSh elchixonasi manzili:

Moyqo‘rg‘on ko‘chasi, 5-kvartal, Yunusobod tumani, 100093 Toshkent

Qo’shimcha ma’lumot uchun manba: SHU YERDA

Leave a Reply

Your email address will not be published. Required fields are marked *

Muallif haqida


Behzod AQShning Shimoliy Karolina universitetida jurnalistika bo'yicha tahsil olgan. Ijtimoiy-madaniy va ma’rifiy mavzularda yuzlab maqolalari matbuotda e’lon qilingan. “Talabalar shaharchasi” sahifasining muallifi va bosh muharriri.

Talabalar shaharchasi haqida


Amerikada o'qishni xohlaysizmi? O'qish uchun grantlarni qanday topish yoki viza olish yo'l-yo'riqlari haqida ma'lumot qidirayotgandirsiz? Balki Amerikadagi vatandoshlarimiz hayoti, ular erishgan muvaffaqiyatlar haqida o'qishni istarsiz? Shu va yana boshqa ko'plab mavzular haqida "Amerika Ovozi" barcha sobiq, hozirgi va bo'lajak talabalarni Talabalar shaharchasiga muloqot uchun taklif etadi.
Talabalar shaharchasi - Sizning minbaringiz. Bu yerda Siz o'z tajribalaringizni boshqalar bilan baham ko'rishingiz, ijodiy ishlaringiz va fikr-mulohazalaringiz bilan blogimizda muntazam ishtirok etishingiz mumkin. Ijodiy hamkorlik uchun uzbek@voanews.com elektron manzili orqali bizga bog'lanishingizni so'raymiz.