Texas universitetida ilmiy tadqiqotchilar uchun grant

Posted September 9th, 2015 at 11:09 pm (UTC-5)
Leave a comment

texasAQShdagi Texas Universiteti Garri Rensom markazi butun dunyodan ilmiy tadqiqotchilarni o’z ilmiy ishlarini olib borishda Markaz kolleksiyasidan foydalanishga taklif etadi. 2016-2017-o’quv yili uchun markaz 70 ta tadqiqotchi uchun grant ajratadi. Tadqiqotlar gumanitar sohada, jumladan, adabiyot, fotografiya, kino, rassomchilik, musiqa va madaniy tarix kabi yo’nalishlarda bo’lishi kerak. Dasturga qabul qilingan tadqiqotchilar ilmiy ishlarini 2016-yil 1-iyundan 2017-yil 1-avgust oralig’ida tugatishlari lozim.

Grant uchun quyidagilar ariza topshirishi mumkin:

  • Bir oydan uch oygacha bo’lgan qisqa muddatli tadqiqot stipendiya dasturiga ariza topshirmoqchi bo’lgan nomzodlar doktorantura darajasiga ega yoki mustaqil tadqiqotchi bo’lishi lozim. Mustaqil tadqiqotchilar doktorantura darajasiga ega bo’lmasa-da, ilmiy izlanishlar olib borgan bo’lishi kerak. Agar nomzod doktorantura talabasi bo’lsa, uni 2016-yil 1-iyunga qadar tugatishi lozim va bu haqda tadqiqot taklifi hamda tavsiyanomalarda aytib o’tishi lozim.
  • Dissertatsiyani tugatish uchun stipendiya dasturiga ariza topshirmoqchi bo’lgan nomzodlar doktorantura talabalari bo’lishi lozim.

Bir oydan uch oygacha bo’lgan qisqa muddatli tadqiqot dasturi tadqiqotchilarga oyiga 3000 dollar stipendiya beradi. Agar tadqiqot loyihasi markazda bir oydan kam muddat qolishni ko’zlasa, unga faqat 1200 dollar ichki safar xarajatlari uchun yoki 1700 dollar xalqaro safar xarajatlari uchun beriladi. Dissertatsiya tadqiqotchilari esa oyiga 1500 dollar stipendiya bilan ta’minlanadi.

Ariza to’ldirish tartibi quyidagicha:

  • Arizachi SHU YERDA Rensom markazining onlayn ariza topshirish tizimida yangi hisob ochishi kerak. Unga elektron manzil orqali hisobdan o’tish raqami yuboriladi. Mazkur raqam tadqiqot taklifi hamda tavsiyanomada ko’rsatilgan bo’lishi lozim.
  • Uch betli tadqiqot taklifidan iborat ariza shakli va bitta yoki ikkita tavsiyanoma onlayn ariza topshirish tizimiga PDF shaklida topshirilishi lozim.

Ariza topshirishning so’nggi muhlati 2016-yil 15-yanvar.  Ariza natijalari 2016-yil mart oyidan so’ng e’lon qilinadi. Ariza to’ldirish bo’yicha  yo’riqnoma SHU YERDA. 

Manba: SHU YERDA

Leave a Reply

Your email address will not be published. Required fields are marked *

Muallif haqida


Behzod AQShning Shimoliy Karolina universitetida jurnalistika bo'yicha tahsil olgan. Ijtimoiy-madaniy va ma’rifiy mavzularda yuzlab maqolalari matbuotda e’lon qilingan. “Talabalar shaharchasi” sahifasining muallifi va bosh muharriri.

Talabalar shaharchasi haqida


Amerikada o'qishni xohlaysizmi? O'qish uchun grantlarni qanday topish yoki viza olish yo'l-yo'riqlari haqida ma'lumot qidirayotgandirsiz? Balki Amerikadagi vatandoshlarimiz hayoti, ular erishgan muvaffaqiyatlar haqida o'qishni istarsiz? Shu va yana boshqa ko'plab mavzular haqida "Amerika Ovozi" barcha sobiq, hozirgi va bo'lajak talabalarni Talabalar shaharchasiga muloqot uchun taklif etadi.
Talabalar shaharchasi - Sizning minbaringiz. Bu yerda Siz o'z tajribalaringizni boshqalar bilan baham ko'rishingiz, ijodiy ishlaringiz va fikr-mulohazalaringiz bilan blogimizda muntazam ishtirok etishingiz mumkin. Ijodiy hamkorlik uchun uzbek@voanews.com elektron manzili orqali bizga bog'lanishingizni so'raymiz.