AQShda o’qish uchun grant topish yo’llari

Posted January 19th, 2014 at 11:14 pm (UTC-5)
2 comments

© Lawschoolplan.com

© Lawschoolplan.com

Bizga kelayotgan savollarning aksariyati grantlar haqida bo’lyapti. AQShda o’qish uchun ta’lim grantlarini qanday topish mumkin? Navbatdagi maqolamizda ana shu mavzuga yana bir bor to’xtalishga qaror qildik.

AQShga o’qish uchun kelish jarayonining eng qiyin bosqichi ham shu aslida. Ya’ni, grant topish. Avvalgi maqolalarimizda ham bu mavzuga alohida to’xtalganmiz. Ular bilan tanishib chiqishingizni yana bir bor tavsiya etamiz.

Birinchi maqola: Diqqat: AQShda o’qishni istovchilar uchun yordam beramiz!

Ikkinchi maqola: AQShda ta’lim: Qayerda va nima o’qimoqchisiz?

Uchinchi maqola: AQShda ta’lim: Grantlarni qanday topish mumkin?

Quyida grant topish uchun bosib o’tilishi lozim bo’lgan muhim jarayonlarni bosqichlarga bo’lgan holda qisqacha yana bir bor tushuntirib o’tamiz.

Birinchi bosqich: Tilni va bilim-malakalarni oshirish

AQShda oq’ish juda qimmat ekani hammaga ma’lum. Ko’plab amerikaliklar ham o’qishga pul to’lay oladigan darajada boy emas yoki ortiqcha pullari yo’q. Ular, odatda, ta’lim kreditlari olishadi. Chet elliklarning AQShdan ta’lim krediti olishi oson emas yoki to’lov foizlari juda qimmat bo’ladi. Shuning uchun ular oldidagi eng yaxshi variant bu o’z hisoblaridan o’qish yoki grant topish.

O’z hisobidan AQShga kelib bir necha yil ta’lim olish va yashashga qurbi yetadiganlar kam. Shuning uchun bu variant haqida to’xtalish niyatimiz yo’q. Zotan, puli bor odam uchun hamma eshiklar ochiq. Ular bizning maslahatimizga muhtoj ham emaslar.

Read the rest of this entry »

2 comments
Posted in Ta'lim grantlari

Talabalar uchun maxsus axborot seminarlari (Toshkentda)

Posted January 5th, 2014 at 5:10 pm (UTC-5)
Leave a comment

http://photos.state.gov/libraries/adana/5/logos/EducationUSA_logo_color_120x70.jpg

© US Embassy Tashkent

Toshkent shahrida istiqomat qiluvchi yoki Toshkentga kelish imkoniyatiga ega bo’lgan talabalar diqqatiga!

Toshkent shahridagi AQSh elchixonasida joylashgan Ta’lim maslahat markazida kelayotgan kunlar talabalar uchun maxsus bir necha muhim axborot sessiyalari tashkil etilmoqda. Ularda AQShda grant asosida o’qish, grantlarni topish yo’l-yo’riqlari hamda AQShda o’qish sir-sinoatlariga oid muhim ma’lumotlar beriladi. AQShda o’qish niyatida bo’lgan barchaga ushbu yig’inlarda qatnashishni tavsiya qilamiz.

1. 9-yanvar kuni 16:00 da AQShning Barea kollejida o’qigan o’zbekistonlik talabalardan biri ushbu kollejga kirish yo’l-yo’riqlari haqida ma’lumot beradi. Barea kollejining o’ziga xos jihati shundaki, unda xorijlik talabalar uchun 100 foizlik grant beriladi. Albatta, bu kollejning xorijliklarni o’ziga eng ko’p jalb etadigan jihatlaridan biri. AQShda bepul ta’lim olish istagida bo’lganlarga ushbu axborot sessiyasini o’tkazib yubormaslikni maslahat beramiz.

2. Bundan tashqari, 16-yanvar kuni 16:00 daIllinois universitetida tahsil olayotgan yana bir o’zbekistonlik talaba AQShda biznes boshqaruvi (MBA) bo’yicha o’qish sir-sinoatlari va o’ziga xosliklari haqida ma’lumot beradi. Shu soha bo’yicha o’qishga qiziqayotganlar bu uchrashuvga tashrif buyurib, o’zlarini qiziqtirayotgan savollarini Illinois universitetida o’qiyotgan yurtdoshlariga berishlari mumkin bo’ladi.

Read the rest of this entry »

Leave a comment
Posted in Amerika universitetlari, Ta'lim grantlari

O’qituvchilar uchun AQShda malaka oshirish imkoniyati

Posted December 29th, 2013 at 11:57 pm (UTC-5)
Leave a comment

O’qituvchimisiz? Ingliz tili, ijtimoiy fanlar (ijtimoiy ta’lim, fuqarolik huquqi, tarix yoki geografiya) yoki matematika va tabiiy fanlardan birini o’qitasizmi? Unda siz ikki oy muddatga AQShga kelib o’qib ketish imkoniyatiga egasiz. Shoshiling, Toshkentdagi AQSh elchixonasi 2015-yil uchun yangi ta’lim grantini e’lon qildi.

Hujjatlarni topshirish muddati 3-mart, 2014-yil, 18:00.

Muallimlik fazilatlari va yutuqlari dasturi (The Teaching Excellence and Achievement (TEA) Program) AQSh Davlat Departamentining Ta’lim va Madaniyat Ishlari bo‘yicha Byurosi dasturi bo’lib, Yevropa va Yevroosiyo, Sharqiy Osiyo va Tinch okeani, Yaqin Sharq, Janubiy va O‘rta Osiyo, Sahro Afrikasi va G‘arbiy yarim shar mintaqalaridan 156 nafar o‘rta maktab o‘qituvchilarini har yili o‘z sohalarida tajribalarini kengaytirish, dars berish qobiliyatlarini rivojlantirish hamda AQSh to‘g‘risidagi bilimlarini yanada oshirish uchun AQShga olib keladi.

Xalqaro qatnashchilar 75-78 nafar o‘qituvchilardan iborat ikki guruh bo‘lib, yiliga ikki marta AQShga tashrif buyuradilar. Ularning dasturlari o‘quv metodologiyasi, darslarni rejalashtirish va ishtirokchilar vatanlaridagi sharoitda o‘qitish metodologiyasi strategiyalarini ishlab chiqish, internetda izlanishlar va yozuv-chizuv ishlari uchun hamda o‘quv qo‘llanmasi sifatida kompyuterlardan foydalanish bo‘yicha kurs ishlari va jadal treninglardan iborat. Shu bilan birga, olti haftalik dastur qatnashchilarni AQSh ta’lim tizimi bilan bevosita tanishtirish va tajribalar almashish maqsadida ikki haftadan iborat o‘rta maktabda dars berish amaliyotini ham o‘z ichiga oladi. Dastur davomida qatnashchilar uchun AQSh madaniy yodgorliklariga tashriflar uyushtiriladi hamda ularga akademik ko‘mak ko‘rsatiladi.

Read the rest of this entry »

Leave a comment
Posted in Ta'lim grantlari

Xitoyliklar dunyoning eng tirishqoq talabalari deb topildi

Posted December 8th, 2013 at 7:49 pm (UTC-5)
Leave a comment

http://coxrare.files.wordpress.com/2013/11/chinese-schools.jpg?w=600

© Photo AP

Dunyoning eng tirishqoq va qobiliyatli talabalari qayerda ekanini bilasizmi? Ular Amerikada emas. Yevropada ham emas. Xalqaro talabalarni baholash dasturi bo’yicha yaqinda olib borilgan tadqiqot natijalariga ko’ra, dunyoning eng aqlli talabalari Xitoyning Shanxay shahridan ekan.

Matematika, o’qish va aniq fanlar bo’yicha o’tkazilgan imtihonlarda shanxaylik talabalar dunyoning 65 davlati talabalari orasida eng yuqori baho to’plagan. Ular hatto AQShliklarni ham ortda qoldirgan.

Bunday imtihon har uch yilda Iqtisodiy hamkorlik va taraqqiyot tashkiloti tomonidan 15-16 yoshli o’quvchilar o’rtasida o’tkaziladi. So’nggi testda eng yuqori 10 o’rinning yettitasini sharqiy Osiyo davlatlari vakillari egallagan.

AQShlik o’quvchilar jami davlatlar orasida 36-o’ringa loyiq deb topilgan. Ular matematika bo’yicha xalqaro o’rtacha natijaga qaraganda kamroq ball to’plagan. O’qish va boshqa aniq fanlar bo’yicha esa o’rtacha darajani qayd etgan.

Dunyo bo’ylab o’tkazilgan imtihonlarda 65 davlatdan yarim million o’quvchi ishtirok etgan.

Iqtisodiy hamkorlik va taraqqiyot tashkilotining ma’lum qilishicha, kelajakka ishonchi yuqori bo’lgan va o’z imkoniyatlarini yuqori baholagan yoshlar imtihonlarda eng yaxshi natijani ko’rsatgan. Masalan, shanxaylik o’quvchilar nafaqat o’z oldilariga qo’ygan maqsadlariga erisha olishiga ishonadi, balki shu yo’lda lozim bo’lgan barcha ishni qilishga tayyor, deydi tashkilot vakillari.

Read the rest of this entry »

Leave a comment
Posted in Ta'lim

AQSh elchixonasi jurnalistlar uchun tanlov e’lon qildi

Posted November 24th, 2013 at 9:48 pm (UTC-5)
Leave a comment

© Photo State.gov

AQSh bilan bog‘liq masalalarni professional darajada yoritishni rag‘batlantirish maqsadida Toshkentdagi AQSh elchixonasi  O‘zbekistondagi jurnalistlar uchun tanlov e’lon qiladi.

Tanlovda O‘zbekistonda faoliyat yuritayotgan barcha telekanal, radio, gazeta va internet jurnalistlari ishtirok etishi mumkin. Viloyatlarda yashab ijod qilayotgan jurnalistlarning tanlovda ishtirok etishi qizg‘in qo‘llab-quvvatlanadi.

Tanlovga topshiriladigan ishlar AQSh va O‘zbekiston o‘rtasidagi munosabatlarga, jumladan, ta’lim, madaniyat, iqtisodiyot va siyosatga oid bo‘lishi mumkin.

Jurnalistlar yuqoridagi mavzulardan biriga yoki bir nechtasiga oid materiallaridan eng yaxshi bir yoki ikkitasini yuborishlari lozim. Materiallar o‘zbek, rus va/yoki ingliz tillarida taqdim etilishi mumkin.

Tanlovda ishtirok etish uchun 2013-yilning 15-dekabridan kechikmasdan TashkentPressCenter@state.gov elektron adresiga quyidagi ma’lumotlarni yuborish lozim:

1.      Muallif ism-sharifi, tashkilotining nomi va telefon raqami/el.pochta adresi.

2.      Material matni.

3.      Material bosilgan/efirga uzatilgan/internetga kiritilgan yoki kelgusida e’lon qilinadigan sana.

4.      Gazeta/TV va radiokanal/vebsayt nomi yoki adresi.

Read the rest of this entry »

Leave a comment
Tags: ,
Posted in Turli xil

San’at vakillari uchun AQShga kelish imkoniyati

Posted November 17th, 2013 at 8:28 pm (UTC-5)
Leave a comment
Artslink

Teatr, rassomchilik, raqs, haykaltaroshlik kabi san’at sohalaridan birida faoliyat yuritasizmi? Balki shunday san’atlar bilan bog’liq loyihalarni boshqararsiz? Unda siz AQShga grant orqali kelib, o’z san’atingizni namoyish etish imkoniyatiga egasiz.

Ushbu dasturda ishtirok etishning shartlari quyidagicha:

Avvalo, sizning AQShga kelib amalga oshirmoqchi bo’lgan san’at loyihangiz notijoriy maqsadda bo’lishi mumkin. Masalan, siz AQSh maktablari bo’ylab o’quvchilarga o’z san’atingizni namoyish etish niyatidasiz va bundan hech qanday moddiy manfaat topmaysiz. Bunday loyiha uchun sizda grant yutish imkoniyati bor.

Shuningdek, siz o’z sohangizning professsional ustasi bo’lishingiz kerak. Havaskorlar yoki talabalar bu dasturda qatnashishi mumkin emas. Yoshga cheklov qo’yilmagan. Muhimi, professional san’at egasi bo’lishingiz kerak.

Qolaversa, dasturda qatnashishi mumkin bo’lgan 37 davlatdan birining fuqarosi bo’lishingiz kerak. O’zbekiston ham qatnashishi mumkin bo’lgan davlatlar ro’yxatida bor.

Siz AQShda amalga oshirish niyatida bo’lgan loyihangizni 2014-yilning 1-mayidan boshlashingiz mumkin. Uni uzog’i bilan 2015-yilning 30-apreligacha tamomlashingiz kerak. Demak, ushbu grant bir yil muddatga beriladi.

Shuningdek, loyihani amalga oshirish uchun avvaldan AQShda hamkor topishingiz kerak. Masalan, AQShda rasmlaringiz ko’rgazmasini tashkil etish niyatida bo’lsangiz, shu ko’rgazmani tashkil etishda sizga yordam berishga rozi bo’lgan tashkilotni oldindan topishingiz lozim.

Read the rest of this entry »

Leave a comment
Tags: , ,
Posted in Ta'lim grantlari

“Osiyo-Tinch okeani yetakchilik dasturi”ga qabul boshlandi

Posted November 10th, 2013 at 11:11 am (UTC-5)
Leave a comment

© Program Official Website

© Program Official Website

“Osiyo-Tinch okeani yetakchilik dasturi”ning 2014-o’quv yili uchun qabul boshlandi. Bu dastur dunyoning turli burchagidan kelgan professional mutaxassislarga AQShda bir yil davomida (buning kamida yarmi Gavayida o’tadi) yuqori darajada malaka oshirish va tajriba orttirish imkonini beradi. Yetakchilik, Osiyo va Tinch okeani mintaqasida tinchlik va barqarorlik o’rnatilishiga qaratilgan ish va dasturlarga qiziquvchi har qanday odam, jinsi, fuqaroligi va yoshidan qat’i nazar, ushbu dasturda ishtirok etishi mumkin.

Dasturda qatnashish uchun ishtirokchilarga quyidagi talablar:

  • Ishtirokchilar kamida bakalavr darajasiga ega bo’lishi kerak;
  • TOEFL yoki IELTS ingliz tili testlarini topshirgan bo’lishi kerak. Bakalavrlik darajasini o’qish tili ingliz tili bo’lgan universitetdan olganlar bu shartdan ozod qilinadi.

Yetakchilik mahorati va shu yo’nalishda, xususan, tinchlikni saqlash va Osiyo-Tinch okeani mintaqasi bo’yicha ish tajribasiga ega bo’lganlar va shu yo’nalishlarga qiziqshi yuqori bo’lganlar afzal ko’riladi, ammo qatnashish uchun bular talab qilinmaydi.

Read the rest of this entry »

Leave a comment
Tags:
Posted in Ta'lim grantlari

AQShda o’qishning o’ziga xos jihatlari

Posted November 3rd, 2013 at 12:49 pm (UTC-5)
Leave a comment

classroom

© Royalty Free Image

Amerika universitet ta’lim sifati yuqoriligi bilan dunyoda peshqadam davlatlardan biri hisoblanadi. Bu nimaning hisobiga? Bu yurtdagi oliy ta’lim tizimidagi o’ziga xos jihatlar nimalardan iborat? Bu xos xususiyatlarning bevosita talabaga bog’liq bir nechtasi haqida quyida qisqacha ma’lumot bermoqchimiz.

1. Butun semestr davomida yozma ishlar, topshiriqlar bo’ladi

Biror fandan qanday baho olishingiz semestr oxirida bo’ladigan yakuniy imtihongagina bog’liq emas. Ya’ni, oladigan bahoingiz o’qish davomida yoziladigan, bajariladigan boshqa topshiriqlar, oraliq nazorat ishlariga ham bog’liq bo’ladi. Demak, so’nggi imtihonni kutib yurmasdan, kurs davomida barcha topshiriqlarni a’lo bajarishga harakat qilishingiz kerak.

2. Darslarda faol qatnashish muhim

Ko’plab professorlar sizning darsda ishtirok etishingizga alohida e’tibor beradi. Demak, dars davomida o’tilayotgan mavzu bo’yicha muhokamalarda qatnashishingiz, savollar berishingiz yoki qoshimcha fikrlar bildirishingiz yakunda yaxshi baho olishingizda muhim ahamiyatga ega. Ko’pincha, yakuniy bahoning 25 foizini darsdagi ishtirokingiz hal qiladi.

Read the rest of this entry »

Leave a comment
Tags: , ,
Posted in Amerika universitetlari

Hukumatning ishdan to’xtashi ta’lim tizimiga qanday ta’sir ko’rsatdi?

Posted October 20th, 2013 at 7:33 pm (UTC-5)
Leave a comment

http://gdb.voanews.com/06834B15-0540-4155-83E5-949C1F2BD2CC_w640_r1_s.jpg

Hukumatning ishdan to’xtashi nima degani?

Avvalo, sarlavhaga tushuntirish bersak. Hukumatning ishdan to’xtashi nima degani? Shu yilning 1-oktabridan 15-oktabrigacha, demak, qariyb ikki haftadan ziyod AQSh federal hukumati byudjetining qabul qilinmasligi oqibatida ishlamadi. Kongressning Vakillar palatasida Respublikachilar partiyasi vakillari ko’p bo’lgani bois, davlat byudjetini qabul qilish bo’yicha ular prezident Barak Obama boshliq demokratlar bilan kelisha olmadi. Kelishmovchilikning asosiy sababi “Obamacare” deb ataladigan sog’liqqa oid yangi qonun ijrosi uchun respublikachilarning pul ajratishdan bosh tortishi bo’ldi. Natijada hukumat ikki hafta pulsiz qolib, federal hukumatdan pul oluvchi ko’plab tarmoqlar moliyasiz qoldi.

Bu narsa talabalarga qanday ta’sir ko’rsatdi?

AQShda davlat universiteti hisoblanuvchi oliygohlar moliyaviy yordamni federal hukumatdan emas, asosan, shtat hukumatidan oladi. Shu bois federal hukumatning ikki hafta davomida ishlamasligi bu o’quv yurtlarida o’quvchi talabalarga jiddiy salbiy ta’sir ko’rsatdi, deb bo’lmaydi. Ammo ta’sir qilgan jihatlari bor. Quyida shularni qisqacha sanab o’tamiz.

1. Federal hukumatdan olinadigan grantlar vaqtincha to’xtatildi. Yangi byudjet qabul qilinguncha, federal hukumatdan yordam oluvchi barcha universitet va tadqiqot dasturlarining moliyaviy yordam olishi kechiktirildi. Ilgari taqdim etilgan grantlar ular o’z vaqtida yetkazib berildi, ammo federal hukumat ishlamagan paytda Talim departamenti ham faoliyat yuritmagani bois yangi grantlar ajratilmadi.

Read the rest of this entry »

Leave a comment
Tags: , ,
Posted in Ta'lim

2015-yil uchun “Grin karta” lotereyasi boshlandi

Posted October 3rd, 2013 at 11:58 am (UTC-5)
11 comments

© Creative Networks at myGreencard.com

O’zbekistonda “Grin karta” yutib Amerikaga ko’chib kelishni orzu qiluvchilar ko’p. Kimlar uchundir o’tgan yillarda bu orzu ro’yobga chiqqan bo’lsa, ayrimlar uchun “Grin karta” hanuz ushalmas armonligicha qolmoqda. Agar siz ham “Grin karta” borasida omadi chopmayotganlar qatorida bo’lsangiz, orzuim armonga aylandi, deya afsus chekishga shoshilmang. Chunki o’tgan yili yutmagan bo’lsangiz, bu safar omadingiz kulib boqishi hech gap emas. Demak, yana “Grin karta”ga topshirish payti keldi.

AQSh Davlat Departamenti rasmiy veb-sahifasida berilgan ma’lumotga ko’ra, 2015-yil uchun “DV” lotereyasini (Diversity Visa) o’ynash 2013-yilning 1-oktabridan boshlandi. Ro’yxatdan o’tish shu yilning 2-noyabrigacha davom etadi. Ishtirokchilar anketani internet orqali topshirishlari mumkin.

Xalq orasida “Grin karta” nomi bilan mashhur bo’lgan ushbu vizani yutib olganlar AQShda doimiy yashash huquqini qo’lga kiritish imkoniyatiga ega bo’ladi. Har yili AQSh hukumati “DV” lotereyasi orqali 50 000 atrofidagi xorijlik fuqaroga AQShda domimiy yashashi uchun viza beradi. Ushbu dasturni amalga oshirishdan maqsad AQShda kam sonli bo’lgan millatdagi immigrantlar sonini oshirish va bu bilan muhojirlar rang-barangligini muvozanatga solishdir, deyiladi hukumat ma’lumotida.

O’zbekiston “Grin karta” eng ko’p beriladigan davlatlardan biri. Har yili ushbu dastur bo’yicha o’zbekistonliklarga 4-5 ming atrofida o’rin ajratiladi.

Read the rest of this entry »

11 comments
Tags:
Posted in Vizalar haqida

Muallif haqida


Behzod AQShning Shimoliy Karolina universitetida jurnalistika bo'yicha tahsil olgan. Ijtimoiy-madaniy va ma’rifiy mavzularda yuzlab maqolalari matbuotda e’lon qilingan. “Talabalar shaharchasi” sahifasining muallifi va bosh muharriri.

Talabalar shaharchasi haqida


Amerikada o'qishni xohlaysizmi? O'qish uchun grantlarni qanday topish yoki viza olish yo'l-yo'riqlari haqida ma'lumot qidirayotgandirsiz? Balki Amerikadagi vatandoshlarimiz hayoti, ular erishgan muvaffaqiyatlar haqida o'qishni istarsiz? Shu va yana boshqa ko'plab mavzular haqida "Amerika Ovozi" barcha sobiq, hozirgi va bo'lajak talabalarni Talabalar shaharchasiga muloqot uchun taklif etadi.
Talabalar shaharchasi - Sizning minbaringiz. Bu yerda Siz o'z tajribalaringizni boshqalar bilan baham ko'rishingiz, ijodiy ishlaringiz va fikr-mulohazalaringiz bilan blogimizda muntazam ishtirok etishingiz mumkin. Ijodiy hamkorlik uchun uzbek@voanews.com elektron manzili orqali bizga bog'lanishingizni so'raymiz.