2010-yil vayronagarchilikni boshdan kechirgan Qirg’izistonning O’sh shahri qayta tiklandi. Ko’hna shaharda yangi qurilish ishlari ko’paygan.

Shaharning yangi qiyofasi – xalqaro hamjamiyatning ulkan moliyaviy ko’magi hamda mahalliy aholining s’ay-harakatlarining mahsuli.

Shaharning ichimlik suvi tizimi qisman yangilandi. Jamoat transporti uchun yangi zamonaviy ulovlar keltirildi. Shaxsiy tibbiyot muassasalari ro’yxati kengaydi.

O’shning oliygohlarida Hindiston, Pokiston, Bangladesh, Turkiya kabi qator xorij o’lkalarining yoshlari ta’lim olmoqda.

Mintaqada kam uchraydigan shiddatli qish oxirlar ekan, shahar yanada chiroy ocha boshladi.

Yangi shahar va yangi avlod kelajakka umid bilan boqmoqda.

Suratlar va matn muallifi Muhiddin Zarif