Musulmon olamida ma’lum va mashhur ziyoratgoh bo’lmish Sulaymon tog’i (Borako’h) keyingi yillarda avvalgi shuhratini tiklay boshladi. O’tgan yil qirg’iz-o’zbek chegarasi ochilishi ortidan sayohatchilar soni yanada ko’paygani qayd qilinmoqda.
Gap shundaki, azaldan Farg’ona vodiysi aholisi O’shdagi Sulaymon tog’ini qadamjo sanab, bu maskanga tez-tez tashrif buyurib turgan.
Hozirga Sulaymon tog’i va uning ustiyu-atrofida joylashgan obidalar hamda turli madaniy majmualar davlat tarixiy-arxeologik muzey-qo’riqxonasi tarkibiga kiradi. Ushbu dargoh YUNESKO madaniy meroslar ro’yxatidan o’rin olgan.
Tog’ atrofidagi xiyobonlar, qadim (XVI-XVII asrlarga oid) hamda yangi katta masjidlar, turli muzeylar, cho’qqilardan birida qad ko’tarib turgan (o’tgan asrning 90-yillarida qayta tiklangan) Bobur hujrasi mehmonlarni chorlaydi.
Sulaymon tog’ida mavjud otmishga yaqin tarixiy-madaniy obida davlat tomonidan qo’riqlanadi.
O’tgan asrning 70-yillarida tog’ yonbag’irlari ko’kalamzorlashtirilgan. Mahalliy jamoatchilik Borako’hning tabiiy holatini saqlab qolishga urinmoqda. O’sh shahri meriyasi davlat idoralari bilan hamkorlikda tog’ atrofida joylashgan hunarmandlar mahallalarini qayta tiklashga kirishdi.
Malik Mansur Toshkent Davlat Universitetini (hozirda O'zbekiston Milliy Universiteti) bitirgan. Professional jurnalist. Bu sohada 1990-yilardan beri ishlab keladi. O'zbekistonda qator nashrlarda faoliyat yuritgan. "Amerika Ovozi" bilan 2002-yildan buyon hamkorlik qilib keladi. Vatandagi siyosat, iqtisod va ijtimoiy hayotni yoritadi. Malik Mansur tanqidiy maqolalari uchun 2010-yilda davlat organlariga tuhmat qilganlik, haqoratlaganlik va jamoat xavfsizligiga tahdid solganlik aybi bilan Toshkentda sudga tortilgan. Jurnalist va uning reportajlarini efirga uzatgan "Amerika Ovozi" bu ayblovlarni asossiz deb hisoblab, sud ishini so'z va matbuot erkinligini cheklash uchun qilingan qadam deb atagan. 
