Markaziy Osiyoda Navro’z shukuhi kezmoqda

Posted March 20th, 2014 at 2:53 pm (UTC-4)
2 comments

Farg’ona vodiysiga Navro’zi olam charaqlagan qiyosh, iliqlik, yashil maysa va yengil shabboda – chinakam bahor tafti bilan kirib keldi. Bu yil mintaqada qish ancha cho’zilib, ona tabiatning uyg’onishi, yangilanishi aynan sharqiy Yangi yil kunlariga to’gri keldi.

Qirg’izistonning O’sh viloyati qirg’iz dramatik teatri maydonida doshqozonlarda sumalak, sho’rva qaynadi, palov damlandi. Shifobaxsh bahor o’simliklari hamda  barra go’shtlardan tayyorlangan milliy taomlar tortildi.

Har bir go’shada – xush kayfiyat, tomosha, o’yin-kulgi. Yoshlar xizmatda, qariyalar hurmat-izzatda.

Aynan shu kunlarda bobo dehqon yerga urug’ qadayotir. Janubiy Qirg’izistonda ertangi kartoshka ekib bo’lindi. Bog’-rog’ yaratish, ko’kalamzorlashtirish ishlari avjida.

Ikir-chikirlar, gina-kuduratlarni unutib, bir-birlariga bag’irlarini ochar ekan, odamlar tinchlik, omonlik, xotirjamlik tilaydi. Har bir xonadon, har bir shahar-qishloq, barcha o’lka, jahon uchun.

Navro’z, yangilanish – bu soflik, beg’uborlik, shukronalik, yaratuvchanlik demakdir. Bu tabiatning mangu qo’shig’i emasmi?

Quyida Qirg’izistonda suratga olingan va shu kayfiyat, shu qo’shiq aks etgan rasmlarni e’tiboringizga havola etamiz. Read the rest of this entry »

Markaziy Osiyoda Navro’z tantanalari

Posted March 16th, 2014 at 6:19 pm (UTC-4)
1 comment

Navro’z bayrami – Markaziy osiyo xalqlari uchun qadim udum. Bu o’lkalar o’z mustaqilligini e’lon qilganidan beri Navro’z davlat miqyosida har yili rasman nishonlanadi.

Quyida o’tgan yillardagi tantanalarda olingan ayrim suratlarni e’tiboringizga havola etmoqchimiz.

Siz yashab turgan joyda Navro’z bayrami qanday nishonlanadi? Bu haqda bizga uzbek@voanews.com orqali o’z surat va fikrlaringizni jo’natasiz deb umid qilamiz.

Uzbek dancers in embroidered silk costumes perform during the festivities marking the Navruz holiday in Tashkent, Uzbekistan, Tuesday, March 19, 2013. Navruz ("New Year") dates back to ancient Iranian and Central Asian fire-worshippers who celebrated the spring equinox with dances and ritual food. (AP Photo/Anvar Ilyasov)

O’zbek raqqosalari Toshkentda o’tgan Navro’z bayramida xirom aylamoqda. 19-mart, 2013-yil (AP Photo/Anvar Ilyasov).

Read the rest of this entry »

Qirg’izistonda oq qalpoq kuni nishonlandi

Posted March 12th, 2014 at 1:46 am (UTC-4)
Leave a comment

Bu bayram bahorning birinchi haftasida o’tkaziladi. O’sh shahrida tantana tadbirlari muqaddas Sulaymon tog’i etagida joylashgan istirohatgohda boshlandi. Mahalliy yoshlar qo’mitasi tashkil etgan konsert, tomosha va ko’rgazmada yuzlab kishi qatnashdi. O’quv yurtlari, mehnat jamoalarida ham milliy bosh kiyim o’ziga xos “bosh qahramon” bo’ldi. Oq qalpoq kuni Qirg’izistonda 2011-yildan buyon nishonlanmoqda. “Oq qalpoq – oppoq qorli osmono’par Olatovimiz timsoli, sofdillik, tozalik ramzi. Tadbirlarimiz milliy liboslar, milliy qadriyatlarni e’zozlash, targ’ub etishga qaratilgan”, – deydi yoshlar qo’mitasi vakili Talgat Qambarov. Qirg’iz qalpoqlarining oq, qora va ko’k turlari mavjud bo’lib, ular bezak hamda mato sifatiga qarab baholanadi. Ivitilgan sof qo’y junidan yaratiladigan ushbu libos qishu-yozda inson tanasiga mo’tadil harorat bag’ishlaydi. Sho’rolar davrida biroz diqqatdan chetda qolgan oq qalpoq hozirda Qirg’izistonda faxr bilan kiyiladi.

Suratlar muallifi Muhiddin Zarif.

Salom, yoshlar!

Posted February 14th, 2014 at 8:24 pm (UTC-4)
Leave a comment

Ushbu blog – ijodkor, shijoatli va qiziquvchan yoshlar uchun o’zlari yashayotgan jamiyatda ro’y berayotgan muhim voqealar, qolaversa dunyodagi o’zgarishlar haqida fikr va mulohaza bildirish maydoni. Qay yurtda yashamang, bu yerda eksklyuziv surat va videolar ulashib, ularni tomosha qilishingiz mumkin.

Bu sahifani “Yoshlariston” deb bejiz atamadik. Markaziy Osiyoning besh davlati hamda Afg’onistonda aholining aksar qismi yoshlardir. Zamonamiz muammolari va yutuqlarini ular boshqalardan ko’ra yaxshiroq biladi.

Blog rang-barang mavzular uchun ochiq. Siyosatdan tortib, iqtisod va madaniyatgacha… Istagan masalani yoriting, muhokama qiling. Yagona iltimosimiz – bir-birimizni hurmat qilaylik va fikr bildirganda qo’pol so’zlar ishlatmaylik, toki bu maydon hammamizga ma’naviy ozuqa bersin.

Surat, video yoki boshqa turdagi material va xabarlar bo’lsa, biz bilan bog’laning. Siz bilan hamkorlik qilishdan bag’oyat mamnun bo’lamiz. Manzilimiz: uzbek@voanews.com

“Yoshlariston” – yoshlar maydoni. Blogimiz sizga muntazir.

BLOG HAQIDA

“Yoshlariston” blogi haqida

Ushbu blog – ijodkor, shijoatli va qiziquvchan yoshlar uchun o’zlari yashayotgan jamiyatda ro’y berayotgan muhim voqealar, qolaversa dunyodagi o’zgarishlar haqida fikr va mulohaza bildirish maydoni. Qay yurtda yashamang, bu yerda eksklyuziv surat va videolar ulashib, ularni tomosha qilishingiz mumkin.

Bu sahifani “Yoshlariston” deb bejiz atamadik. Markaziy Osiyoning besh davlati hamda Afg’onistonda aholining aksar qismi yoshlardir. Zamonamiz muammolari va yutuqlarini ular boshqalardan ko’ra yaxshiroq biladi.

Blog rang-barang mavzular uchun ochiq. Siyosatdan tortib, iqtisod va madaniyatgacha… Istagan masalani yoriting, muhokama qiling. Yagona iltimosimiz – bir-birimizni hurmat qilaylik va fikr bildirganda qo’pol so’zlar ishlatmaylik, toki bu maydon hammamizga ma’naviy ozuqa bersin.

Surat, video yoki boshqa turdagi material va xabarlar bo’lsa, biz bilan bog’laning. Siz bilan hamkorlik qilishdan bag’oyat mamnun bo’lamiz. Manzilimiz: uzbek@voanews.com

“Yoshlariston” – yoshlar maydoni. Blogimiz sizga muntazir.

Bo’limlar

Taqvim

April 2021
M T W T F S S
« Feb    
 1234
567891011
12131415161718
19202122232425
2627282930