Xorijda pasport yo’qolsa, nima qilish kerak?

Posted August 26th, 2013 at 6:01 pm (UTC+0)
Leave a comment

Savol: O’zbekiston fuqarosi xorijda pasportini yoki shaxsini tasdiqlovchi hujjatini yo’qotib qo’ysa, nima qilishi kerak?

Javob: O‘zbekiston Respublikasi fuqarosining biometrik pasportini va 16 yoshga to‘lmagan shaxslar uchun fuqaroligi bo‘lmagan shaxslarning harakatlanish hujjatini berish tartibi to‘g‘risida Nizomga ko’ra, xorijda pasport yo‘qotib qo‘yilgan taqdirda, fuqaro bu haqda konsullik hisobiga qo‘yilgan joyga darhol xabar berishi shart. Ular qonun hujjatlarida nazarda tutilgan tartib-qoidalar bajarilgandan keyin fuqaroga yangi pasport beradi.

Xorijda yo’qolgan pasport haqida [AUDIO]

Vaqtincha chet elda bo‘lgan va konsullik hisobida turmagan fuqarolar O‘zbekiston Respublikasiga qaytish ruxsatini beruvchi sertifikat olish uchun O‘zbekiston Respublikasining tegishli konsullik muassasasiga murojaat qiladilar.

Vaqtinchalik konsullik hisobiga olish o‘qish, davolanish, xalqaro sport musobaqalarida, madaniy va boshqa tadbirlarda qatnashish uchun xorijga olti oydin ortiq muddatga chiqqan fuqarolarga va xorijga vaqtincha chiqishni belgilangan tartibda rasmiylashtirgan voyaga yetmagan shaxslarga rasmiylashtiriladi.

Elchixona sizga yangi pasport yoki O’zbekistonga qaytishingiz uchun hujjat berishidan oldin pasportingiz yo’qolganligi haqida mahalliy politsiyadan ma’lumotnoma olib kelishingizni so’raydi. Shuning uchun mahalliy politsiya bo’limiga pasportingiz va Chexiyada yashash hujjatlaringizni yo’qotganligingiz to’g’risida murojaat qiling. Politsiya yo’qolgan hujjatlaringizni topishga yordam beradi. Agar hujjatlar topilmasa, ma’lum muddat o’tgach, yo’qolgan hujjatlar topilmaganligi to’g’risida ma’lumotnoma beradi. Ushbu ma’lumotnomaning nuxsasini Chexiyadagi O’zbekiston elchixonasiga taqdim qilasiz. Shunda elchixona sizning shaxsingizni tasdiqlaydi. Shaxsni tasdiqlash jarayoni ham bir muncha vaqt oladi. Shaxsingiz tasdiqlangandan so’ng, elchixona yangi pasport tayyorlab beradi yoki O’zbekistonga qaytib yangi pasport olishingiz uchun qaytish sertifikatini tayyorlab beradi.

Chexiyada yashash hujjatini ham yangisini olish uchun eskisi yo’qolganligi to’g’risida ma’lumotnoma so’raladi. Politsiya bergan ma’lumotnoma orqali yangi yashash hujjatini olish mumkin. Shuning uchun zudlik bilan mahalliy politsiyaga hujjatlaringiz yo’qolganligi to’g’risida xabar berishingizni tavsiya qilamiz.

Leave a Reply

Your email address will not be published. Required fields are marked *

Blog haqida

Yuridik klinika - "Amerika ovozi" saytining yuridik maslahatlar sahifasi. O'zbekiston qonunchiligi, xorijga chiqish-kelish, fuqarolik, immigratsiya kabi mavzularda huquqiy savollaringiz bo'lsa, ularni bizga uzbek@voanews.com elektron pochta manzili orqali yo'llashingiz mumkin.
Savollaringizga malakali huquqshunoslar javob beradi.
Ushbu blog fuqarolar huquqiy savodxonligini oshirish bilan shug'ullanuvchi "Tashabbus" nodavlat tashkiloti bilan hamkorlikda tashkil etilgan.

Taqvim

August 2013
M T W T F S S
« Jul   Sep »
 1234
567891011
12131415161718
19202122232425
262728293031