O’qishga qayta tiklash mumkinmi?

Posted September 14th, 2013 at 11:35 pm (UTC+0)
Leave a comment

Savol: Noma’lum sabablarga ko’ra o’qishni tashlab ketgan yoki oliy o’quv yurtini o’z vaqtida bitira olmagan sobiq talabalar o’qish joylariga qayta tiklanishi mumkinmi?  Buning tartibi qanday?

Javob: O’zbekiston Respublikasi Vazirlar Mahkamasining 2010-yil 18-iyundagi 118-son qaroriga “Oliy ta’lim muassasalari talabalari o’qishini ko’chirish, qayta tiklash va o’qishdan chetlashtirish tartibi to’g’risida”gi 3-ilovaga muvofiq, o’qishdan chetlashtirilgandan so’ng 5 yilgacha bo’lgan muddatda o’qishga qayta tiklashga yo’l qo’yiladi.

[O’QISHGA QAYTA TIKLASH MUMKINMI? – AUDIO]

O’qishdan chetlatilgandan keyin 5 yildan ortiq muddat (harbiy xizmatda bo’lganlik, uch yoshgacha bo’lgan bolalarni parvarish qilish bilan bog’liq mehnat ta’tili hamda sog’liqni qayta tiklash vaqtlari ushbu muddatga kirmaydi) o’tgan hollarda talabalar o’qishini qayta tiklash Idoralararo komissiyaning ruxsati bilan amalga oshiriladi.

O’qishga qayta tiklash haqidagi ariza bir oy muddatda ko’rib chiqiladi.

Quyidagi hollarda talabalikka qayta tiklashni so’rab murojaat qilgan shaxsga rad javobi berilishi mumkin:

•           oliy ta’lim muassasasida ta’lim oluvchilar soni doirasida bo’sh o’rinlar mavjud bo’lmaganligi;

•           shaxsning akademik qarzdorligi hamda tegishli mutaxassislik bo’yicha zarur bilimlarni o’zlashtirishiga to’sqinlik qilish darajasidagi o’quv rejalari va dasturlarida farq mavjud bo’lganligi.

Barcha o’quv shakllari bo’yicha talabalar safiga qayta tiklash to’lov-kontrakt asosida amalga oshiriladi.

Davlat grantlari bo’yicha ta’lim olgan yetimlar, I va II guruh nogironlar, shuningdek muddatli harbiy xizmatni o’tagan (zaxiraga bo’shagan kunlaridan boshlab uch yil mobaynida), akademik ta’tildan qaytgan shaxslar istisno tariqasida, o’qishga davlat grantlari o’rinlariga qayta tiklanishi mumkin.

O’qishdan chetlashtirilgan o’quv yilida talabani o’qishga qayta tiklashga yo’l qo’yilmaydi.

Davlat oliy ta’lim muassasalarida o’qishni ko’chirish yoki qayta tiklash jarayoni bepul amalga oshiriladi.

Talabalar o’qishini ko’chirish, qayta tiklash va o’qishdan chetlashtirish to’g’risidagi qarorlardan norozi bo’lganlar belgilangan tartibda Oliy va o’rta maxsus ta’lim vazirligiga yoki sudga murojaat qilish huquqiga ega.

Leave a Reply

Your email address will not be published. Required fields are marked *

Blog haqida

Yuridik klinika - "Amerika ovozi" saytining yuridik maslahatlar sahifasi. O'zbekiston qonunchiligi, xorijga chiqish-kelish, fuqarolik, immigratsiya kabi mavzularda huquqiy savollaringiz bo'lsa, ularni bizga uzbek@voanews.com elektron pochta manzili orqali yo'llashingiz mumkin.
Savollaringizga malakali huquqshunoslar javob beradi.
Ushbu blog fuqarolar huquqiy savodxonligini oshirish bilan shug'ullanuvchi "Tashabbus" nodavlat tashkiloti bilan hamkorlikda tashkil etilgan.

Taqvim

September 2013
M T W T F S S
« Aug   Oct »
 1
2345678
9101112131415
16171819202122
23242526272829
30