له نه‌ورۆزی ئه‌مساڵدا سێ سه‌رکرده‌ی کوردی عێراق په‌یامی خۆیان له‌ڕێی که‌ناڵه میدیاییه‌کانی خۆیانه‌وه گه‌یانده گه‌لی کورد له عێراقدا وه‌ک ئه‌وه‌ی نه‌ورۆز بووبێته ڕۆژێک بۆ په‌یامه سیاسیه‌کان نه‌ک ئه‌وه‌ی ڕۆژێکی نه‌ته‌وه‌یی بێت و ببێته یه‌که‌م ڕۆژ بۆ ده‌ستپێکردنی پرۆسه‌ی هێنانه ئارای گوتاری نه‌ته‌وه‌یی. جه‌لال تاڵه‌بانی ، سه‌رۆکی عێراق و سکرتێری گشتی یه‌کێتی نیشتیمانی کوردستان له په‌یامه‌که‌یدا […]
بۆ یه‌کتر ناسین:
ساڵی 1961 له شارۆچکه‌ی هه‌ڵه‌بجه‌ی کوردستانی عێراق له‌دایک بووم ، ئه‌و کاته باوکم له‌و شاره‌دا فه‌رمانبه‌ر بوو.
هه‌ر به‌هۆی کارکردنی باوکمه‌وه پۆلی یه‌که‌می سه‌ره‌تاییم له شاری شه‌قڵاوه ی پارێزگای هه‌ولێر ته‌واو کردووه ، پۆلی دووش له هه‌ڵه‌بجه و دواتر له خوێندنگاکانی بێکه‌س و گۆران له شاری سلێمانی قۆناغی سه‌ره‌تاییم ته‌واو کرد.
قۆناغی ئاماده‌ییم له هه‌ردوو ئامادیی سه‌ڵاحه‌دین له شاری سلێمانی و دواناوه‌ندی ڕانیه له شاهری ڕانیه‌ی بناری کێوه‌ڕه‌ش خوێندووه.
دوا قۆناغی خوێندنیشم له به‌غدا ، له په‌یمانگه‌ی به‌ڕێوه‌بردنی ڕه‌سافه ته‌واو کرد.
له سه‌ره‌تای ساڵانی هه‌شتاکانی سه‌ده‌ی ڕابردووه‌وه ، سه‌ر و سه‌ودام له‌گه‌ڵ نوسیندا په‌یداکرد و ئێستاشی له‌گه‌ڵدا بێت شیعر به‌شێکی دانه‌بڕاوه لێم.
خوێندنه‌وه‌ی شیعره‌کانی مه‌حوی لای من تام چێژێکی سۆفیانه‌م ده‌داتێ ، که ڕێک و ڕه‌وان ده‌مکاته ده‌روێشێکی حاڵ گرتوی ناو ئه‌م خانه‌قا پاکیزه‌ییه‌ی شیعر.
له سه‌ره‌تاکانی ساڵانی نه‌وه‌ته‌کانه‌وه ده‌ستم کردووه به کاری ڕۆژنامه گه‌ری و له ژماره‌یه‌ک گۆڤار و ڕۆژنامه و ڕادیۆ و ته‌له‌فزیۆنی هه‌رێمی کوردستانی عێراقدا کارم کردووه.
له ساڵی 1996 دا هه‌وارم گواسته‌وه بۆ وڵاته یه‌کگرتووه‌کانی ئه‌مریکا و لێره‌ش له مانگی 12ی ساڵی 1999 وه کارمه‌ندم له به‌شی کوردی ده‌نگی ئه‌مریکا.
