Noyabrın 11-i Avropa Çempionatı Pley off mərhələsində öz meydanında Xorvatiya millisinə 3-0 hesabı ilə məğlub olan Türkiyə yığması azarkeşlərinin ümidini puç etməklə yanaşı, həm də futbol mütəxəssislərinin təəccübünə səbəb olub. Cəmi 4 il əvvəl eyni çempionatın final mərhələsində yüksək əzmkarlıqla eyni komanda üzərində möhtəşəm qələbəsini xatırlayan mütəxəssislər Türkiyə millisinin bu qədər zəif nəticə göstərməsinin səbəbini araşdırmağa çalışır. Əlbəttə, bunun səbəbinin millinin baş məşqçisinin sərgilədiyi düzülüş və taktika səhvi, yoxsa, futbolçuların göstəricilərinin aşağı olmasını söyləmək mütəxəssislərin öhdəsinə düşür. Buna baxmayaraq cavab oyununun noyabrın 15-də keçiriləcəyini nəzərə alaraq, bizə yalnız bir ümid qalır: Türkiyənin yaxşı oyun göstərməsi! Bəs siz Türkiyənin sabahki oyunda hansı oyunu göstərməyini istəyirsiniz? Türkiyənin iki seçim yolu var: Ya 4 il qabaq göstərdiyi nəticəyə uyğun oyun, ya da bir neçə gün əvvəl 3-0 məğlub olduğu oyunda göstərdiyi “bacarıq”! İki oyunun videogörüntülərini sizə təqdim edirik:
2008-ci il, Avropa Çempionatının 1/4 final mərhələsində Türkiyənin penaltilərdə Xorvatiyanı məğlub etdiyi oyun:
2011-ci il 11 noyabrda Türkiyənin öz meydanında Xorvatiya millisinə 3-0 hesabı ilə məğlub olduğu oyun:
4 ildir Amerikanın səsinin əməkdaşıyam. İdmanın demək olar ki, bütün növlərinə, xüsusilə futbol, basketbol, böyük tennisə və şahmata böyük marağım var. 4 ilə yaxın futbol, 6 il basketbol və 3 il üzgüçülüklə məşğul olmuşam. İdman həyatımın önəmli bir hissəsi olduğu üçün onu həm də bloga çevirmək qərarına gəldim. Azərbaycanın ilk rəsmi idman bloguna xoş gəlmisiniz!
