Bu yaxınlarda Azərbaycan Yelkən İdmanı Federasiyasının vitse-prezidenti Nuru Axundov tutduğu vəzifədən istefa verib.

Maraqlıdır ki, bu haqda lent.az-a məlumat verən cənab Axundov işsiz qalmaq istəmədiyi üçün bu addımı atdığını bildirib. Vitse-prezidentin sözlərinə görə, federasiyada heç bir şərait olmadığından idmançıların hazırlığı aşağı səviyyədədir, yarışlar demək olar ki, keçirilmir. O hətta vaxtilə genişmiqyaslı fəaliyyət göstərən yaxta klubun da artıq söküldüyündən gileylənib: “Baxmayaraq ki, federasiyada çalışdığım vaxt əmək haqqı alırdım, amma heç bir iş görə bilmirdim. Heç kim mənə federasiyanı tərk etməli olduğumu deməyib. Sadəcə, işsiz otura bilmədiyimdən, vəzifəmdən istefa vermişəm”.

Vitse-prezidentlikdən istefa verən N.Axundov artıq özünə məşğuliyyət və fəaliyyəət növü də tapıb. Hazırda Şıx çimərliyində xilasedici kimi fəaliyyət göstərir və kifayət qədər gərgin iş rejimində çalışdığını bildirir.