AQSh haqida nimani bilishni istaysiz?

Posted March 25th, 2014 at 4:51 am (UTC+0)
1 comment

A fan of the U.S. dressed in a costume in the colours of their national flag gestures ahead of their women's ice hockey gold medal game against Canada at the Sochi 2014 Winter Olympic Games February 20, 2014.

“Meni AQSh universitetiga o’qishga kirish qiziqtiradi”, deb qoldi Toshkentda yashaydigan bir tanishim.

“Universitetlar dekanlari va professorlari bilan intervyu bo’lsa, jon deb o’qirdim. O’qishga kirishning sirlari qanday? Ular bu haqida nima deya oladi? Application to’ldirishga oid tavsiyalari, o’zbekistonlik talabalar haqdagi fikri ham qiziqtiradi”, dedi yosh yigit.

Bu meni o’ylantirdi. “Amerika Ovozi”da biz AQShga oid turli-tuman mavzularni yoritamiz. Xo’sh, yana qanday mavzularga talab bor? O’zbekistonda, boshqa mamlakatlarda yashayotganlar AQSh haqida nimani bilgisi keladi?

O’tgan dam olish kunlari telefonimni qo’limga olib, Viber va WhatsApp-lar orqali bu savolni bir necha tanishimga berdim.

Aksariyat bildirgan istak: Amerikada ish topish imkoniyatlari haqida ma’lumot bering. U yerga borsa, tilni qanchada o’rganadi? Tilni bilmay turib, ishlasa bo’ladimi? AQShning qaysi shaharlariga borish ma’qul?

Va shu kabi ko’plab savollar.

Bundan tashqari, bir tanishim AQShda yashaydigan o’zbeklar bilan qiziqdi.

Yoshi 45 kirgan bu oliy ma’lumotli odamning menga yozgani:

“AQShda “eski” o’zbeklar bor, deb eshitganman. Ular qachon Amerikaga borib qolgan? Qatag’on yillaridami? Yoki (bolsheviklar) inqilobi sabablimi? Ularning turmush tarzi qanday? Ota-onalaridan O’zbekiston haqida nimalarni eshitishgan? Bugungi O’zbekiston haqida nima biladi? Menimcha, mana shu ko’plarga qiziq bo’lsa kerak. Shuncha yil darbadar bo’lgan bu odamlarning milliy urf-odatlarimizni, tilimizni saqlab qolgani, hatto milliy kiyimimizga e’tibori hayratga soladi”.

Shu blog bahona, men Sizga ham murojaat qilmoqchiman, aziz gapdoshim. Sizni AQSh haqida nimalar qiziqtiradi? Yuqorida aytilgan mavzulardan tashqari yana nima haqida ma’lumot olishni istardingiz? Menga yozib yuboring. Fikringizni shu yerda qoldirishingiz yoki uzbek@voanews.com elektron pochta manziliga sarlavhasida InterGap deb yozib yuborishingiz mumkin.

Oldindan katta rahmat.
Gaplashamiz.

One response to “AQSh haqida nimani bilishni istaysiz?”

  1. Men Amerkaga qanaqilib viza olishim mumkin ishlagani yo vizasizam ketsa boladimi va Amerkani iqlimi qanaqa nam havomi yo quruq havomi bu savollarga javobni qayerdan olaman javob uchun oldindan raxmat.

Leave a Reply

Your email address will not be published. Required fields are marked *

Inter-Gap haqida

Gap, gap, gap… Biz, o’zbeklar uchun gap – ijtimoiy tadbir. Erkak va ayollar alohida yoki birgalikda juda bo’lmaganda oyiga bir marta yig’ilib, “gap o’ynaydi”. Gapga qo’shilgan odamlar bir-birining uyi yoki restoranda mehmon bo’lishadi. Xarajatini ham ko’tarishadi. Mezbonga berilgan pul nafaqat dasturxon xarajatlarini qoplashi shart, balki qo’shimcha daromad ham bo’lishi lozim. Gapdan maqsad aynan shu. Moliyaviy maqsad. Ijtimoiy jihatiga kelsak… Ha, miriqib gaplashish, muloqot qilish, u yoq, bu yoqdan eshitilgan xabarlar bilan o’rtoqlashish, fikr almashish. Ha, bunisi tushunarli, Inter-i nimasi, dedingizmi? Internet davrida yashayapmiz. Pichoqqa ilinadigan har bir gap internetga chiqadi. Biz ham “Amerika Ovozi” da siz bilan gap o’ynashga qaror qildik. Qo’lda bir piyola choy bilan gapdan olamiz. Men mezbon ekanman, gapni boshlab beraman. Siz qo’shiling, fikr-mulohaza bildiring. Xarajati yo’q. Tez ishlab turgan internetingiz bo’lsa bas. Sizga katta rahmat va Inter-GAPga marhamat.

TV dasturlar