Kurd: Ewropîbûn yan Rojhilatbûn

Posted December 19th, 2012 at 2:15 pm (UTC-5)
Leave a comment

Kurd: Ewropîbûn yan Rojhilatbûn

Berî çend rojan, ez li panêlekê li ser peywendîyên Amerîka û Tirkiyê, vêre li Washington amade bûm, … Jimareke ekadîmîyên Tirik axiftin. Doza Kurd li Tirkiyê gelek ji demê panêlê giritibû…

Tiştê dilê min xweş kirî ew bû, wan baş doza Kurdî fîm kiriye.  Û bi rastî jî eger yek ji me pêdaçonek hûr diket, dê bi heazaran nivîskar, rojnamevan, hunermand û ekadîmîyên dî bibînit, wek van 3 akadîmîyên li binyadê Brookings axiftîn, doza Kurdan rast têgehiştina…

Lê mixabin, ez bibêjim mixabin û hîvîdarim dîtina min ne rast be, “min hest dikir, her carekê yek ji wan ciwamêran rexne li hikumetên Tirkiyê digirt ji ber reftarê wan yê xirab digel Kurdan, yan wan behsê mafên sîyasî yê Kurdan dikir, hinek ji amadebûyên piranîya wan Tirik bûn, Girhê li enîya wan çêdibû!!!”

Lewan, bi rastî ez dixwazim vê peyamê kurt bigehînim Kurdên Bakur, li her astekî yan di her çînekî de bin, sîyasî yan civakî:

Çawa hikumeta Tirkiyê karî diket, mafên Kurdan berteng biket di mafên keltûrî û zimanî de, divê hûn xebatek hember bikin û gelê Tirik têbigehînin ku tenahîya wan qet liser hisêba derdên we Kurdan nabe.

Eger yek ji min re behsê dijatîya Kurdan ji alîyê partîyên sîyasî Tirkiyê ve bike, ez nimûneya Kurdên Îraqê li bîrî tînim. Berî  5-6 salan we dît AKPê Partîya Dad û Pêşvebirinê ya Serekwezîr Erdogan çend bêhin teng bû li hember wan, û niha, jiber berjewendîya ew çend doste?

Evca van 2 rastîyan ji bîr nekin:

Ew xelk partîyan digehînin ser desthelatê û partî li gora berjewendîyan karî dikin û li gor wan amadey gûhertina helwîstane.

Rastîya diwê eve, şere dahatî yê Tirkiyê dê di nêvbera 2 berokan de bit (Ne berokê Tirk û Kurdan) lê berokê Ewropîbûn û Rojhilatbûnê. Erê tu Kurdê bakur dê bikevî kîj wan berokî?

Ev babet pişkek bû ji Bernama TV Lihevgihandina Kurdan jimare 33. Vaye link, hun dikarin li barnamê temaşa bikin.

http://www.youtube.com/watch?v=5i17MUoQ1tk&list=UUqSWDZhHebyjQCn9kM9mJSg&index=1

http://www.dengeamerika.com/media/video/1565011.html

Leave a Reply

Your email address will not be published. Required fields are marked *

Dakhil Shammo Elias

Dexîl Şemo ji sala 1999 an de di beşê Kurdî ji Radyoya Dengê Amerîka (VOA) de li Waşintonê kar dike. Ji dest pêka sala 1990 î de dest bi karê rojnamvaniyê kirye û bi dehan nivîsîn di rojnameyên Kurdî û Erebî de weşandiye. Di sala 1962an de li Ênsivnê 'Qeza Şêxan'ê bûye, û xwandina xwe li Gûndê Ba'edrê, Ênsivnê û Mûsilê bi dawî aniye. Di sala 1983an de Dîploma xwe ji Zankoya Teknolojî ya Baxdayê wergirtiye. Di sala 2010 an de bawernameya Bakeloryos, di Zanistên Siyasî û Peywendiyên Navneteweyî ji Zankoya George Mason ya Wîlayeta Virgînya Amerîkî wergirtiye. Zêdebarî raport û hevpeyvînên rojane û raportên TV sebaret pirsên siyasî yên Amerîka, Kurdistan û cîhanê, Dexîl ê Şemo bernameya bi navê 'Ferheng û Toreya Kurdî' amade dike. Di vê bernamê de ew hevpeyvîna digel nivîskar, hozanvan, çîroknivîs, hunermend û xwedan berhemên ronakbîrên behredar dike, ta guhdarên xwe agehdarî tevgera ronakbîrî ya hevçerxa Kurdî û Cîhanî bike. Ji bo gûhadarî kirina bernameya 'Ferheng û Toreya Kurdî' vî linkî daxîne: http://www.voanews.com/kurdi/news/special-reports/lifestyle/Ferheng-u-Tore-ye-Kurdi--112558729.html

Derbarê Me

Ez dixwazim tebînî û dîtinên we li ser van babetên taybet bi pirsên siyasî li Washington bizanim. Ji kerema xwe, bi Emaileka kurt ji min re binivîsin: delias@voanews.com , yan telefona vê jimare bikin 1 202 203 4858. Têbinîyên we tên weşandin eger gotinên kirêt yan bêrêzkirina kesekî-ê têde nebin.