Savol: Farzandlarimni erimning roziligisiz chet elga olib chiqishim mumkinmi?

AUDIO:

Javob: O‘zbekiston Respublikasi fuqarosining biometrik pasportini va 16 yoshga to‘lmagan shaxslar uchun fuqaroligi bo‘lmagan shaxslarning harakatlanish hujjatini berish tartibi to‘g‘risidagi Nizomning III bo’limiga  hamda O‘zbekiston Respublikasining 16 yoshga to‘lmagan fuqarosi guvohnomasini O‘zbekiston Respublikasi Ichki ishlar idoralari tomonidan rasmiylashtirish va berish tartibi to‘g‘risidagi Yo’riqnomaning 12-bandi “j”-qismiga ko’ra, 16 yoshga to’lmagan fuqaro yoki fuqaroligi bo‘lmagan shaxs ota-onalardan biri bilan xorijga vaqtincha chiqayotganda ota-onalardan ikkinchisining roziligi talab qilinmaydi.

Bundan tashqari, 15 yoshdan 18 yoshgacha bo‘lgan fuqarolar yoki fuqaroligi bo‘lmagan shaxslar ota-onalari yoki vasiylari (homiylari)ning voyaga yetmagan shaxsning mustaqil ravishda chet elga chiqishi uchun notaries tomonidan tasdiqlangan roziligi mavjud bo‘lgan taqdirda xorijga hamrohlarsiz chiqishlari mumkin.

Demak, farzandingizni chet elga sayohatga o’zingiz bilan birga olib chiqish uchun otasining roziligi talab etilmaydi.