“O’sh sadosi” viloyat gazetasi (dastavval “Kommunist”, keyinchalik “Paxta uchun”, “Qirg’iziston haqiqati”, ‘Lenin yo’li”) 1932 yil asoslanib, Janubiy Qirg’izistonning eng nufuzli ahborot vositalaridan biri bo’lgan.
Ushbu dargohda Shavkat Rahmon, Tursunboy Adashboyev kabi o’zbek adabiyotining yorqin namoyondalari qalami charxlangan.
Ma’lum sabablarga ko’ra, keyingi o’n yilliklarda muxlislarning bosimli qismidan ajragan gazeta yangi sharoitga moslashish va avvalgi mavqeni tiklash harakatida.
Ro’znomaning bayramiga bag’ishlangan marosimda hukumat idoralarining vakillari, qo’shni viloyatlar delegatsiyalari hamda O’zbekistonning Andijon viloyatidan kelgan qalamkashlar qatnashdi.
Suratlar va matn muallifi Muhiddin Zarif
Malik Mansur Toshkent Davlat Universitetini (hozirda O'zbekiston Milliy Universiteti) bitirgan. Professional jurnalist. Bu sohada 1990-yilardan beri ishlab keladi. O'zbekistonda qator nashrlarda faoliyat yuritgan. "Amerika Ovozi" bilan 2002-yildan buyon hamkorlik qilib keladi. Vatandagi siyosat, iqtisod va ijtimoiy hayotni yoritadi. Malik Mansur tanqidiy maqolalari uchun 2010-yilda davlat organlariga tuhmat qilganlik, haqoratlaganlik va jamoat xavfsizligiga tahdid solganlik aybi bilan Toshkentda sudga tortilgan. Jurnalist va uning reportajlarini efirga uzatgan "Amerika Ovozi" bu ayblovlarni asossiz deb hisoblab, sud ishini so'z va matbuot erkinligini cheklash uchun qilingan qadam deb atagan. 
