Qirg’izistonda gul fasli: iliq kuz gulzorlar umriga umr qo’shdi

Posted October 3rd, 2017 at 2:20 pm (UTC-5)
Leave a comment

 

Deydilarki, azaldan namozshomgul O’rta  Osiyo ayollarining sevimli guli bo’lgan. Opa-singillarimiz, onalarimiz shu gul bilan sirlashgan, dardlashgan, ezgu tuyg’ularini unga bayon etgan, nafis go’zallikdan xufyona zavqlangan bo’lsa, ajab emas.

Namoz – shom – gul. Mehnat – zahmat – rohat. Poklik, iffat… Read the rest of this entry »

Shahram G’iyosov – boks bo’yicha jahon chempioni

Posted September 5th, 2017 at 1:42 pm (UTC-5)
Leave a comment

Germaniyaning Gamburg shahrida o’tgan boks bo’yicha jahon chempionatida O’zbekiston oltita medal bilan jamoalar orasida Kubadan so’ng ikkinchi o’rinni qo’lga kiritdi: bitta oltin, uchta kumush va ikkita bronza.

Finalgacha yetib borgan to’rt o’zbekistonlikning barchasiga musobaqa peshqadami kubaliklar raqiblik qildi. Bahsli kechgan final o’yinlari natijasiga ko’ra, O’zbekistondan faqat Shahram G’iyosov oltin medalni qo’lga kiritdi.

“Amerika Ovozi” muxbiri boks arenasidan turib ushbu janglarni kuzatish imkoniyatiga ega bo’ldi.

Biz final jangi oldidan bo’lajak chempion Shahram G’iyosovni suhbatga tortishga ham muvaffaq bo’ldik.

Quyida ana shu suhbatimizni e’tiboringizga havola etamiz.

Tojikiston nohiyalarida Navro’z qanday o’tdi?

Posted March 27th, 2017 at 10:17 am (UTC-5)
Leave a comment

Navro’z tantanasiga mashinalar maxsus bezatildi.

Navro’z, ayrim olimlarning ta’kidlashlaricha, hozirda yer yuzida qariyb bir milliard odam yashovchi 100 miilon kvadrat kilometrdan ortiq hudud xalqlari orasida nishonlanadi.

Navro’z YUNESKO tarafidan umumbashar madaniy-tarixiy an’ana merosi  sifatida tan olingan.

Navro’z hozirgi Tojikiston hududida, ayrim olimlarning aytishicha, bundan besh ming yil ilgari ham nishonlanib kelingan va bahorgi tengkunlik, dehqonchilik ishlarining boshlanishidan darak bergan.

Islom dini mintaqaga kirib kelishidan bir necha ming yil oldin otashparastlar nishonlagan Navro’zdagi milliy an’analar haligacha saqlanib kelmoqda. Juda to’yimli va odam immunitetini mustahkamlab, quvvat beruvchi, maysalab o’stirilgan bug’doydan tayyorlanuvchi Sumalak -Navro’zning bosh taomi hisoblanadi va 24-30 soat davomida qaynatib, damlanib pishiriladi.

Baland tog’ qishloqlarida Sumalak tayyorlash oson emas, ayrim joylarda bosimning pastligi sabab, uni pishirishning iloji ham yoq. U yerlarning o’ziga xos sut-qatiqli taomlari bor.

Tojikiston, Afg’oniston va Eron orasida bir necha yil oldin erishilgan kelishuvga muvofiq, mintaqada Navro’z bayrami  galma-galdan ularning birida xalqaro miqyosda o’tkazib kelinardi. Ikki yildirki, bu an’anaga putur yetgan, har davlat Navro’zni o’z hududida nishonlamoqda.

Navro’z tantanalari sabab respublikada bir haftalik dam olish e’lon qilingan, bayram 21-martdan 27-martgacha davom etadi.

2017-yil Navro’z bayrami 21-mart kuni respublika prezidenti, millat peshvosi unvonini olgan Emomali Rahmon ishtirokida bu safar mamlakat janubidagi Tursunzoda shahrida katta tantanalar bilan boshlandi, unda davlat rahbari xos raqsga ham tushib berdi.  Kunning ikkinchi yarmida bayram poytaxt Dushanbeda hukumat rahbarlari ishtirokida davom etdi.

Navro’z bayrami kunlari xalq sayllari, o’yin-kulgi, turli-tuman musobaqalar o’tkaziladi. Ommaviy tadbir joylarida ham ilgari huquq posbonlari qimor hisoblab, javobgarlikka tortishlari mumkin bo’lgan, pul tikiladigan o’yinlar ochiq-oydin o’ynalaveradi. Kimdir yutadi, kimdir yutqazadi, ammo o’rtada chuv tushuvchi o’smirlarning serob bo’lishi hech kimga sir emas. Shunday bo’lsa-da, bu bayram kayfiyatiga ta’sir o’tkazmaydi, aksincha, qiziqish va o’yinqaroqlikni yanada oshiradi. Read the rest of this entry »

Yosh jurnalistlar – ahillik targ’ibotchilari

Posted December 19th, 2016 at 5:27 pm (UTC-5)
Leave a comment

dsc05224

Qirg’izistonda faoliyat yurituvchi “Intimaq” (o’zbek tiliga tarjimasi – Ahillik) teleradiokompaniyasi qoshida ochilgan medialaboratoriya o’zining ilk bitiruvchilariga guvohnomalar topshirdi. Mahalliy oliygohlarda ta’lim olayotgan bir guruh talabalar va turli sohalarda ishlayotgan matbuot shaydolari bir necha oy mobaynida tinchlik va ahillikni targ’ib qilish yo’llari-usullarini o’rgandilar.

Mashg’ulotlarni malakali mutaxassislar olib bordi.

O’quv davomida yoshlar zikr qilingan y’onalishda – tinchlik-osoyishtalik, do’stlik-ahillikni barqaror etish mavzularida – ucha katta  bo’lmagan loyihalar ishlab chiqishdi.

Ushbu loyihalar mahalliy teleko’rsatuv tarmog’ida grantlar asosida amalga oshiriladi. Bitiruv kechasi yosh ijodkorlarga aytilgan dasturlar uchun zarur mablag’ga huquq beruvchi hujjatlar ham topshirildi.

BMTning Taraqqiyot Dasturi Qirg’izistonda ikki medialaboratoriya faoliyatini moliyalashtirgan bo’lib, loyiha “Ommaviy ahborot vositalari tinch o’zgarishlar uchun” deb ataladi.

Bundan besh yil muqaddam qirg’iz hukumati qaroriga ko’ra Internews ko’magida ochilgan “Intimaq” teleradiokompaniasi millatlararo, madaniyatlararo ahillik hamda hamkorlikni mustahkamlashni  maqsad qilgan. Eshittirish hamda ko’rsatuvlar qirg’iz, rus va o’zbek tillarida olib boriladi.

O’z paytida ushbu ahborot vositasi oyoqqa turib olishi uchun AQSh nufuzli tashkilotlaridan biri “Internews” salmoqli moddiy yordam ko’rsatgan.

Matn va suratlar muallifi

Muhiddin Zarif

Tadbirdan fotolar:

salmoqli moddiy yordam ko’rsatgan.

Matn va suratlar muallifi

Muhiddin Zarif

Afg’on-Turk maktabi muhtojlarga yordam ulashdi

Posted July 2nd, 2016 at 2:42 pm (UTC-5)
1 comment

IMG_0224Afg’onistonda Turkiya bilan hamkorlikda ish yurituvchi maktab Ramazon ehsoni sifatida Shibirg’on shahrida 550 oilaga ko’mak yetkazdi.

Har bir oilaga 10 kg un, 10 kg guruch, 3 litr yog’, 3 kg shakar, yarim kg choy tarqatilgan. Ularning qiymati 30 dollarni tashkil etadi.

Shibirg’on Afg’on-Turk maktabi muovini Sayid Horunning aytishicha, yordamga muhtoj kishilar ro’yxati o’quvchilar, bitiruvchilar, o’quvchilar oilalari va maktabning ustozlari tomonidan tuzilgan, kambag’al odamlar shaharning har go’shasidan bor.

Unga ko’ra, yordamlardan ko’zlangan maqsad tujjorlar va badavlat odamlarni xayrli ishlarga jalb qilishdan iboratdir.

Read the rest of this entry »

Faryobda iftor, o’zbeklar davrasida

Posted June 20th, 2016 at 11:47 am (UTC-5)
Leave a comment

Afg’onistonning Faryob viloyatidamiz. Iftor dasturxoni yozilgan.

Mamlakatning turli burchaklaridan kelgan 250 dan oshiq talaba yonma-yon o’tiribdi.

Tashabbus faryoblik Nosir Ahmad O’zbeko’g’lidan chiqqan bo’lib, tadbirga mahalliy jamoatchilik homiylik qildi.

Faryob universitetidagi bu iftorga rasmiylar ham keldi. Yoshlar birdam ekan, davlat xursand, deydi arboblar.

Nosir Ahmad O’zbeko’g’li fikricha, iftor bahonasi bilan yoshlar bir-birini yaxshiroq tanib, hamjihatlik kuchayadi.

1 (3)

1 (4)

1 (5)

1 (6)

1 (8)

1 (9)

1 (2)

1 (7)

1 (1)

Qadim O’shning serjilo maskani – Talabalar shaharchasi

Posted April 28th, 2016 at 3:53 pm (UTC-5)
Leave a comment

DSC04762Talabalar shaharchasi O’shning (Qirg’iziston) eng so’lim va bahavo chekka mavzesida joylashgan. Bir tarafda yam-yashil qir-adirlar, dalalar, bir tarafda jo’shqin Oqbura daryosi. Sokin muhit, toza havo…

Bu go’shada to’rt oliygoh hamda uch o’rta-maxsus o’quv yurti faoliyat ko’rsatmoqda. Aytishlaricha, jami o’ttiz mingga yaqin talaba, bir necha ming ustoz uchun tuzilgan shart-sharoitga mintaqaning katta-katta poytaxt shaharlari havas qilsa arziydi. Bu yerda zamonaviy o’quv korpuslari, kutubxonalar, yotoqxonalar, sport va dam olish, sog’lomlashtirish markazlari va katta masjid bor.

Deyarli barchasi mustaqillik yillari barpo etilgan.

Marhamat, yigit-qizlar. O’qing, o’rganing, olg’a intiling, deging keladi bu sharoitlarni ko’rib.

Mahalliy oliygohlar xalqaro aloqalarni taraqqiy ettirmoqda. Mutolaa zallarida Hindiston, Pokiston, Bangladesh, Turkiya kabi mamlakatlardan kelgan yoshlarni uchratish mumkin. O’sh davlat universitetining Xalqaro Tibbiyot kulliyoti, Turkiya Diyonat vaqfi bilan hamkorlikda tashkil etilgan Ilohiyot fakulteti, O’sh Texnologiya universitetining axborot texnologiyalari va qurilish bo’limlari eng nufuzli bilim dargohlari sarasiga kiradi.

Mutaxassislarga ko’ra, mahalliy o’quv yurtlarining salohiyati, obro’-e’tiborining o’sib borishi  hududda ilm-fan taraqqiyotiga salmoqli hissa qo’shadi.

Matn va suratlar muallifi Muhiddin Zarif

DSC04662Read the rest of this entry »

Qirg’iziston: Birinchi xalqaro oqinlar festivalida yoshlar faol qatnashdi

Posted March 21st, 2016 at 11:58 am (UTC-5)
Leave a comment

DSC04685

Qirg’izistonda ilk bor o’tkazilgan xalqaro festival bejiz “Oqinlar shohi O’sh-Navro’z-2016” deb atalmadi. Qadim O’sh shahri uch kun davomida “oqinlar poytaxti” bo’ldi. SSSR xalq artisti, taniqli kinorejissyor Bolot Shamshiyev sahnalashtirgan nufuzli ko’rikda Qirg’iziston, Qozog’iston hamda Xitoy Xalq Respublikasi vakillari ishtirok etdi.

Asrlar osha yashab kelayotgan “Aytish” (oqinlar aytishuvi, musobaqasi)  – xalq og’zaki ijodining yorqin namunasi. O’ziga xos bu bellashuv har ikki tomondan tezkor aql, hozirjavoblik va topqirlik, nozik takalluf talab qiladi. Oldindan berilgan mavzuni, improvizatsiya qilgan holda, keng talqin etish kerak. Odatda, aytish tarixiy obrazlar qiyofasida ijro etiladi.

Bu “mushoira” yosh tanlamaydi. Unda yosh bola ham, keksa oqsoqol yoki onaxon ham qatnashishi mumkin. Read the rest of this entry »

Tojikiston Navro’zni qarshilar ekan, saylov va migratsiya dolzarb masalalar

Posted February 29th, 2016 at 12:53 pm (UTC-5)
Leave a comment

5. Har yil bahorida Khujand shahri markazida ramziy gullagan o'rik daraxti o'rnatiladi

Bu yil Tojikistonga bahor juda erta keldi. Bozor rastalarida yanvar oyi tugamasdan ko’k somsa uchun dorivor o’simliklar paydo bo’ldi. Fevral oyida adirlarda boychechak ochildi. Ariq lablarida momoqaymoq gulladi, yalpiz undi.

Bozorlarda o’tgan yilgi kuz hosili hali mo’l. Garchi, 2015-yil bahoridagi qattiq sovuq mamlakat shimoliga katta zarar yetkazib, asosiy hosilni nobud etgan bo’lsa-da, mamlakat janubi va Eron hamda Qirg’izistondan keltirilayotgan meva-chevalar rastalarni to’ldirmoqda.

Ob-havoning issiq kelishi sabab, mamlakat rahbariyati keyingi 20 yil orasida birinchi marta qish faslida aholi uchun elektr energiyasiga joriy etilgan cheklovni butun Tojikiston bo’ylab bekor qildi. Odatda elektr energiyasiga cheklov aprel oyi o’rtalarigacha, ba’zida esa yoz oylarigacha cho’zilardi.

Ba’zilar nazarida mamlakatda elektr energiyasiga cheklovning muddatidan ilgari bekor qilinishini Tojikiston konstitutsiyasiga kiritilayotgan o’zgartirishlar sabab may oyida o’tkazilishi rejalangan umumxalq referendiumiga bog’liq. Shu bilan birga issiq ob-havo tog’lardagi qor va muzliklarning tez erishi tufayli daryolarda suv miqdorining ortganligi kundek ravshan. Bu esa, o’z navbatida gidroelekr stansiyalarida generatorlarning maksimal ishlashiga imkon beradi.

Respublika konstitutsiyasiga kiritilayotgan o’zgartirishlar hozir mamlakat bo’ylab qizg’in muhokamada. Ayrim ziyolilar fikricha, asosiy o’zgarish prezidentlikka Tojikiston fuqorolari endi oldingidek 35 emas, 30 yoshdan nomzod ko’rsatilishi mumkinligi va millat peshvosining umrbod daxlsizligidir. Shuningdek, oliy sud organlari bosh lavozimlariga ham yoshlar tayinlanishi mumkin bo’ladi. Bu esa, mamlakatda yosh kadrlarga e’tiborning ortayotganidan dalolat beradi deyilmoqda. Qo’lgan o’zgartirish va qo’shimchalar esa u qadar ahamiyat kasb etmaydi.

Oddiy xalq esa bahorgi dala ishlari, yangi bog’lar yaratish, yer maydonlarini ekinga tayyorlash, ariq-zovurlarni tozalash bilan band. Birgina Xatlon viloyatida shu yil bahorida besh ming gektardan ortiq mevali bo’g yaratish ko’zda tutilgan bo’lib, o’tgan yil oxirida millat peshvosi titulini olgan prezident Emomali Rahmon o’zi ko’chat ekishda shaxsan ishtirok etmoqda.

“Biz yangi va yangi bo’glar yaratilayotganidan xursandmiz, lekin bir narsaga aq’lim etmaydi. Har yili minglab gektar maydonga miilionlab tup daraxt tikiladi, agar bularning 50-60 foizi tutib ketganda ham aqalli o’n yil orasida ba’zi nohiyalar o’rmonga aylanib ketgan bo’lardi, ammo qani o’sho o’rmon, hosil qaerda? Bozorlarimizdagi meva rastalarining oldini Eron mahsulotlari egallagan, o’zimizdagilar nahot 3-4 yilda hosilga kirmasa?” -deb ajablanadi bir qishloq agronomi.

Tojikiston, Eron va Afg’oniston hukumatlari orasidagi kelishvga muvofiq, bahorgi Navro’z bayrami galma-gal shu mamlakatlarning birida xalqaro miqyosda o’tkaziladi. Navro’zga bu yil Tojikiston mezbonlik qiladi, asosiy tadbirlar mamlakat shimoli – Sug’d viloyatida o’tkazilishi ko’zda tutilgan.

Har yilgidek, bu yil ham Sug’d viloyat markazi Khujand shahri asosiy maydonini odamlar ko’zini quvontirib, dillarga zavq bag’ishlab ramziy gullayotgan o’rik daraxti bezadi,

Havolar isib, Tojikistondan asosan Rossiyaga mehnat muhojirligiga yo’l olayotgan kishilar qarindosh-urg’lari, turli-tuman banklardan qarz ko’tarishmoqda. Respublika aholini ish bilan ta’minlash va muhojirat davlat qo’mitasi nohiya ma’sullaridan Bahrom Saydulloev aytadiki, migrantlar uchun hozir moliyaviy muammo dolzarb masala bo’lib qolmoqda.

“Shunday odamlar borki, duppa – durust mutaxassis, tajribali usta bo’lib etisgan, ilgarilari Rossiyada ishlab tajriba ham orttirishgan. Lekin mana endi yana safarga chiqishlari uchun pullari yo’q. Aholining aksariyati banklardan qarz olib qo’ygan, majbuiyatlari bor, boshqa kredit ololmaydi, ketish uchun aqalli yo’lkiralari yo’q. Bu masalada ko’mak so’rab, bizga murojaat qilayotganlar miqdori tobora ortib bormoqda, nima yo’l ko’rsatishni ham bilmaymiz”, – deydi Bahrom Saydulloev.

Uning fikricha mikrokredit banklari berayotgan qarzlari uchun ustama foizlarni kamaytirishi kerak, hozir ular yiliga o’n sakkizdan o’ttiz foizgacha sudxo’rlik qilishmoqda.

“Dunyoning biron mamlakatida banklar o’z mijozlarini Tojikistondagichalik terisini qo’shib chilmasa kerak”,- deydi Rossiyadan qaytib, boshqa borolmayotgan mehnat muhojirlaridan biri.

Tojikistonning eng yosh aholisi, bolalar va o’smirlar esa har qanday siyosiy-iqtisodiy tashvishlardan chekkada, bahorgi issiq kunlar quvonchini bir-birlari bilan baham ko’rishib, dalalardan yalpiz teradi, endi kurtak urib, barg yozayotgan tol navdalaridan boshlariga tolpopuk to’qib, uzun-uzun yasama soch ulashadi, chiroyga intilishadi.

Ravshan Shams

Xo’jand, Tojikiston

Shibirg’onda Alisher Navoiy tavalludi nishonlandi

Posted February 9th, 2016 at 5:58 pm (UTC-5)
Leave a comment

Afg‘onistonning Shibirg‘on shahrida Bobur adabiy-madaniy markazi tashabbusi bilan Alisher Navoiyning 575 yillik yubileyi o‘tkazildi. Unda 1000 ga yaqin odam ishtirok etdi.
Navoiy asarlari va uning davlat va ijtimoiy hayotda tutgan o’rni haqida ma’ruzalar qilindi.

Har yili Afg‘onistonning qator viloyatlarida Navoiyning tug‘ilgan kuni nishonlanadi.

Quyida Shibirg’onda o’tgan tadbir aks etgan suratlarni e’tiboringizga havola etamiz.

Matn va suratlar muallifi Abulbasir Ilg’or.

DSC_0002DSC_0004DSC_0009DSC_0013DSC_0038DSC_0049DSC_0055DSC_0057DSC_0135DSC_0140DSC_0155DSC_0202Read the rest of this entry »

BLOG HAQIDA

“Yoshlariston” blogi haqida

Ushbu blog – ijodkor, shijoatli va qiziquvchan yoshlar uchun o’zlari yashayotgan jamiyatda ro’y berayotgan muhim voqealar, qolaversa dunyodagi o’zgarishlar haqida fikr va mulohaza bildirish maydoni. Qay yurtda yashamang, bu yerda eksklyuziv surat va videolar ulashib, ularni tomosha qilishingiz mumkin.

Bu sahifani “Yoshlariston” deb bejiz atamadik. Markaziy Osiyoning besh davlati hamda Afg’onistonda aholining aksar qismi yoshlardir. Zamonamiz muammolari va yutuqlarini ular boshqalardan ko’ra yaxshiroq biladi.

Blog rang-barang mavzular uchun ochiq. Siyosatdan tortib, iqtisod va madaniyatgacha… Istagan masalani yoriting, muhokama qiling. Yagona iltimosimiz – bir-birimizni hurmat qilaylik va fikr bildirganda qo’pol so’zlar ishlatmaylik, toki bu maydon hammamizga ma’naviy ozuqa bersin.

Surat, video yoki boshqa turdagi material va xabarlar bo’lsa, biz bilan bog’laning. Siz bilan hamkorlik qilishdan bag’oyat mamnun bo’lamiz. Manzilimiz: uzbek@voanews.com

“Yoshlariston” – yoshlar maydoni. Blogimiz sizga muntazir.

Bo’limlar

Taqvim

November 2017
M T W T F S S
« Oct    
 12345
6789101112
13141516171819
20212223242526
27282930