Histori: Persianët

E Premte , 07 Nëntor 2014
Leave a comment

CambysesEshtë një nga misteret më të mëdha arkeologjike të të gjitha kohërave: zhdukja e një ushtrie persiane prej 50.000 ushtarësh në shkretëtirën egjiptiane rreth vitit 524 pes.

Duhet të ketë qenë një stuhi rëre, shkruante Herodoti. Ai tregon historinë e Kambyses, mbret persian, që kishte hyrë në shkretëtirën egjiptiane pranë Luxor (më vonë Thives) me 50.000 burra. Trupat nuk u kthyen; ata u gëlltitën nga një dunë rere – përrallë fantastike që ka qenë prej kohësh objekt i shumë debateve.

Që nga shekulli XIX, njerëzit kanë qenë në kërkim për këtë ushtri – amatorët, pastaj edhe arkeologët profesionistë. Disa presin për të gjetur diku nën tokë një ushtri të tërë, plotësisht të pajisur. Megjithatë, përvoja e gjatë ka treguar se njeriu nuk mund të vdesë nga një stuhi rërë, e lëre pastaj një ushtri e tërë të zhduket.

Kohët e fundit, një grup arkeologësh nga universiteti Leiden (Holandë) u vunë në kërkim…tani, ata kanë vënë përpara një shpjegim krejtësisht të ndryshëm: Ushtria nuk u zhduk, por humbi në betejë.

Fati i ushtrisë së Cambyses mbeti i paqartë për një kohë kaq të gjatë, për shkak se mbreti persian Darit I, i cili i dha fund revoltës egjiptiane me shumë gjakderdhje dy vjet pas disfatës së Cambyses, ia atribuoi humbjen e turpshme të paraardhësit të tij elementeve natyrore. Në sajë të këtij manipulimi efektiv, 75 vjet pas ngjarjes, e gjitha që Herodoti mund të bënte ishte të merrte shënime e të shkruante tregimin mbi stuhinë e rërës.

Zbulim u bë aksidentalisht; duke studiuar blloqet e tempullit, shkencëtarët vunë re se kishin të bënin me një kështjellë në fillim të periudhës persiane. Pasi kjo u kombinua me informacioneve të kufizuar rreth zhvillimeve në Egjipt në atë kohë, si dhe me vendin e gërmimit dhe historinë së Herodotit, shkencëtarët ishin në gjendje të rindërtonin atë që kishte ndodhur.

Leave a Reply

Your email address will not be published. Required fields are marked *

Rreth autorit

Rreth autorit

brainAstrit Lulushi shkruan a sjell njoftime mbi zhvillime në mjekësi, shkencë e fusha të tjera.

Të gjitha informatat në këtë blog jane vetëm për njohuri të përgjithshme dhe jo për zëvendësim të këshillave mjekësore dhe trajtimeve për kushte të veçanta shëndetësore, për të cilat ju duhet të konsultoheni me mjekun tuaj. Lidhje të jashtme website ofruar në këtë blog janë të destinuara për lehtësi sqarimi dhe vetëm për qëllime informative.

Kalendar

November 2014
M T W T F S S
« Oct   Dec »
 12
3456789
10111213141516
17181920212223
24252627282930