Një foto nga Sonda Rover Curiosity e NASA-s në planetin Mars vendosur në Internet para disa ditësh u shoqërua me thëniet se roboti i Roverit ka gjetur një kockë këmbe (pjesë kofshe) në planetin e kuq – por kjo e ashtuquajtur kockë ishte një copë gur, shkëmb i gërrye i thyer marsian, thotë NASA (Agjencia amerikane për kërkime në Hapësirë).
Pretendimi i parë se fotografia tregonte një kockë të tillë u shfaq në një blog UFO – lajmi u kap shpejt nga mediat, aq sa NASA u detyrua të jepte një shpjegim shkencor të enjten (21 gusht).
Duke dhënë përshkrimin e fotos, NASA thotë se ndërkohë që guri në Mars mund të duket si kockë, pamja nuk tregon mbetjet fosile të një marsiani misterioz. Shkencëtarët e agjencisë Amerikane të Hapësirës mendojnë se kjo formë ka të ngjarë të jetë skalitur nga erozioni, era ose uji; sepse Rover Curiosity ka gjetur prova se Marsi ishte një vend i banueshëm në të kaluarën e lashtë, por deri tani nuk ka dëshmi se krijesa të mëdha të mjaftueshme për të lënë një kockë të tillë kanë ekzistuar ndonjëherë në planetin e kuq; edhe, nëse jeta ka ekzistuar ndonjëherë në Mars, shkencëtarët besojnë që ajo ka qenë në forma të vogla të thjeshta jetësore mikro-organike; zyrtarët e NASA-s, në përshkrimin e fotos, thonë se Marsi kurrë nuk ka patur oksigjen të mjaftueshëm në atmosferën e vet për të mbështetur organizma më komplekse sesa mikroskopike – kështu, fosilet e mëdha nuk janë të mundshme.
Prej kohësh është krijuar një traditë e formave në Mars të cilat nuk pasqyrojnë realitetin, thonë shkencëtarët. Fenomeni në të cilën truri i njeriut percepton fytyra, kafshë apo forma të tjera që nuk janë me të vërtetë është i njohur si pare-idolia. Lidhur me Marsin, ky iluzion daton në fund të viteve 1800, kur astronomët raportuan se nëpërmjet teleskopit kishin parë kanale në planetin e kuq.
Pastaj në vitin 1976, një foto nga sonda Viking e NASA-s zbuloi formacionin që fitoi famë si “Fytyra në Mars”. Më vonë vëzhgimet nga NASA dhe agjencia evropiane e Hapësirës nuk treguan fytyrë, por vetëm një shkëmb, që dukej si fytyrë njeriu që formohej nga një lojë dritë-hijesh Që nga ajo kohë, fotografitë nga Marsit kanë kapur forma që i ngjajnë një hardhuce, një miu, madje edhe një kandili deti – të gjitha vetëm iluzione ose formacionet shkëmborë të çuditshëm në planetin e kuq, thotë NASA – Sonda Rover Curiosity vazhdon të eksplorojë planetin Mars që nga gushti i vitit 2012.
