Njerëzit që punonjnë në zyra të prirura për gjelbërim, janë më të lumtur dhe më produktivë, thonë shkencëtarët që kryen studimin më të madh në terren të këtij lloji.

Studimi tregon se një vend pune me gjelbërim ndihmon punonjësit të jenë fizikisht, mendërisht dhe emocionalisht më të përfshirë në punën e tyre.

Ekipi ndërkombëtar nga Universiteti Exeter në Britani, Universiteti Groningen në Holandë dhe Universiteti Queensland në Australi, botoi rezultatet e studim në revistën e Psikologjisë Eksperimentale; Applied. (JEPA)

Ky nuk është studimi i parë që tregon përfitimet nga mjedisi i gjelbër. Ka të dhëna, për shembull, se banimi në zona të gjelbëra përmirëson shëndetin mendor, dhe se hapësirat e gjelbëra rrisin mirëqenien në qytete.

Por kjo është hera e parë që shkencëtarët kanë kryer një studim afatgjatë të efektit të gjellbërimit në mjedise reale të punës. Studimi zgjati disa muaj dhe u zhvillua në dy zyra të mëdha tregtare në Holandë dhe Britani

Rezultatet e studimit sfidojnë disa ide moderne të biznesit që thonë se zyrat e zhveshura janë më produktive; ide të tilla kanë shkaktuar që shumë organizata të krijojnë hapësira zyrash të zbrazta, me tryesa të boshatisura, përveç një kompjuteri dhe nëpunësin përpara tij – por studimi vërteton se “hiçi sjell hiç”, pasi prania e gjelbërimit  në mjediset e punës përmirësoi emocionet dhe sjelljet e njerëzve, i gjallëroi ata dhe ndikoi në shtimin e produktivitetit me 15%.

Gjithashtu, një zyrë e tillë u jep punonjësve mesazhin se punëdhënësi kujdeset për ta.