Astrit Lulushi, Zëri i Amerikës

Qëndra për kontrollin e sëmundjeve (CDC) parashikon se operacioni bajpas në stomak mund të përdoret për trajtimin e diabetit të tipit 2. Miliona amerikanë vuajnë nga ky lloj diabeti dhe nga kjo procedurë brenda 20 -50 vjetëve të ardhshëm mund të afektohet rreth 1 e treta e amerikanëve të rritur. Këto ditë, në grup ekspertësh të shëndetësisë e mbështetën këtë mënyrë trajtimi kirurgjik duke e quajtur si rrugën më të mirë për të luftuar Diabetin.
Mjekët kanë zbuluar se operacioni bajpas në stomak mund t’a shërojë thuajse menjëherë pacientin me diabet të tipit 2. Dr Phil Schauer i klinikës së Klevelandit, thotë se pacienti mund ta ndërpresë marrjen e insulinës brenda pak orëve pas operacionit.

Gjatë operacioni gastrik bajpas, mjekët zvogëlojnë stomakun kështu që personi ha më pak. Gjatë operacionit, mjekët shkurtojnë zorrën dhe kjo e bën pacientin të marrë më pak kalori. Por në çmënyrë kjo procedurë normalizon nivelin e sheqerit në gjak, kjo nuk është e qartë. Doktor Schauer thotë se efekti i shpejtë i këtij operacioni ka të ngjarë se shkaktohet nga një hormon incretin në zorrë e stomak. Inkretinet shkaktojnë shtimin e insulinës duke normalizuar nivelin e sheqerit në gjak tek pacientët me diabet.

Katy Wiley ka vuajtur nga diabeti për 16 vjet. Ajo ishte mbi peshë dhe si pasojë e sëmundjes e kishte të vështirë të kryente rregullisht ushtrime fizike. Pak pas operacionit bajpas në stomak, Katy nuk kishte më nevojë të merrte insulinë dhe shumë shpejt humbi rreth 35 kilogram të peshpës së tepërt trupore. Nga mos marrja e insulinës – tani e shëndetëshme – ajo ka shpëtuar nga shpenzimet mjekësore dhe punon çdo ditë.