Astrit Lulushi, Zëri i Amerikës
Fred Sanger, shkencëtar britanik, dy herë fitues i çmimit Nobel për kërkime në gjenomin e njeriut, vdiq me 19 nentor, në moshën 95 vjeçare, njofton Universiteti i Kembrixhit.
Sanger, punoi për të zhvilluar një metodë të shpejtë për hartimin e sekuencës së ADN-së, e cila sot ka filluar t’i ndihmojë gjenetistët dhe mjekët për të parashikuar diagnozat e sëmundjeve të mundshme të një personi dhe për përcaktimin e saktë të ilaçeve për trajtim.
Fred Sanger fitoi Çmimin e tij të parë Nobel për Kimi në vitin 1958 për punën në përcaktimin e strukturës së insulinës; dhe çmimin e dytë Nobel, 22 vjet më vonë për punën e tij me ADN-në.
