Fëmijët dhe adoleshentët nga familje me të ardhura të ulëta kanë dallime në strukturën e trurit në krahasim me fëmijët nga familje të pasura.
Një studim në revistën Nature Neuroscience zbulon një lidhje midis këtyre fëmijëve dhe rajoneve të trurit, të rëndësishëm për sukses akademik.
Inkurajuese, megjithatë, është se edhe rritjet e vogla në të ardhura lidhen me rritje relativisht të madhe në sipërfaqe të trurit.
Duket se paraja përman të gjitha burimet që njerëzit më të pasur të përballojnë ushqimi më të mirë, kujdes shëndetësor e shkolla më të mira.
Mjekët analizuan rreth 1100 individë mes moshave 3 dhe 20 vjeç, studimi më i madh i këtij lloji. Nivelet e të ardhurave të familjeve të fëmijëve u vlerësuan përmes pyetësorëve, dhe matjet e sipërfaqes së trurit u vlerësuan me skanim MRIs.
Studiuesit zbuluan se rritjet e të ardhurave të familjes e bënë më të madhe zonën e sipërfaqes së trurit të fëmijë, në rajonet që mbështesin gjuhën, leximin, dhe funksionet ekzekutive a vendmmarrëse, të cilat janë procese mendore që mundësojnë përqëndrimin.
Studimi gjithashtu tregoi se arsimimi i prindërve lidhej me sipërfaqen e trurit të fëmijëve – sa më shumë arsim prindi, aq më e madhe bëhej sipërfaqja e trurit të fëmijëve gjatë gjithë periudhës së zhvillimit.
Gjetjet nuk nënkuptojnë që të ardhurat shkaktojnë ndryshimet e trurit, dhe as se rrethanat socio-ekonomike të fëmijës doemos diktojnë zhvillimin e trurit në të gjitha rastet.
Dallime pasqyrojnë përvojën – të mësuarit brenda dhe jashtë shtëpisë, stresin familjar, të ushqyerit, mjedisin e ndotur, kujdesin cilësor të fëmijës – që formësojnë zhvillimin e trurit. Duke ndërhyrë në nivelin e këtyre përvojave, veçanërisht në fillim të fëmijërisë, mund të pengohen edhe pasojat e dëmshme për fëmijën.
