Kur një person ndjehet i çmuar, ai mund të shohë vlerat e tjetrit. Kur e kupton se ka mendimet dhe emocionet e veta, ai e kupton se të tjerët i kanë ato gjithashtu. Kur idetë dhe ndjenjat e tij respektohen, ai mëson të respektojë të tjerët.

Diku midis moshës 3 dhe 5 vjeç, fëmijët fillojnë të zhvillojnë të kuptuarit se njerëzit e tjerë kanë mendime dhe ndjenja. Kur njeriu sheh perspektivën e një personi tjetër – kjo eksperiencë bëhet pjesë e ndjeshmërisë.

Një fëmijë e kupton se nuk i pëlqen kur një tjetër fëmijë tjetër rrëmben një lodër prej tij. Por nuk mund ta kuptojë se kur rrëmben një lodër nga tjetri, ky i fundit gjithashtu ndjehet jo mirë.

Empatia mësohet duke nxitur ndjeshmëri dhe kuptim, të cilat janë vendimtare për zhvillimin shoqëror-emocional.

Dhe prindi është model për fëmijën; që nga detyrat e thjeshta, si sjellja në tryezë – ku mësohet ndjeshmëri e tolerancë; deri tek çështje komplekse të tilla si raca apo etnia – se të gjithë duhen trajtuar me ndjenjë e respekt.