Astrit Lulushi, Zëri i Amerikës

Ekspertët e quajnë këtë një histori suksesi.

Tuberkulozi – ose TB – është sëmundje e rrezikshme, e përhapur rreth e rrotull globit.

E diela e kaluar ishte Dita Botërore e TB-së.  Dhe të paktën në Shtetet e Bashkuara – ka arsye për të festuar.

Tuberkulozi është një infeksion bakterial që më shpesh ndikon në mushkëri. Sëmundja përhapet nga kollitjet dhe teshtitjet – dhe mund të jetë fatale.

Dikur, në Shtetet e Bashkuara tuberkulozi ka qenë më shumë se e zakonshme  – por tani Qëndra për Kontrollin dhe Parandalimin e Sëmundjeve – ose CDC –  thotë se amerikanët janë duke e fituar luftën kundër kësaj sëmundjeje.

Në vitin 2012, në SHBA u raportuan vetëm 9951 raste të reja turberkulozi – ose  6.1 për qind më pak vetëm brenda 1 viti  – dhe viti i 20-të me radhë që kjo shifër bie.

Por ka më shumë punë për të bërë.

Mes amerikanëve, ata të lindur jashtë ua kalojnë në numër shtetasve të lindur brenda vendit.

Dhe rastet e TB-së mes pakicave racore dhe etnike janë më të larta sesa mes të bardhëve.

Por shifrat e reja tregojnë se përpjekjet e bashkërenduara të shëndetit publik për të zhdukur tuberkulozin po bëjnë shumë përparime “të shëndetshme”.