Astrit Lulushi, Zëri i Amerikës
Studiuesit në Evropë donin të provonin lidhjet midis pijeve të ëmbëla dhe diabetit, lidhje të konfirmuara nga kolegët e tyre në Amerikën e veriut.
Ata morrën në shqyrtim 27 mijë vetë në 7 vende evropiane. Të dhënat e studimit të botuara në revistën “Diabetologia” tregojnë se 43 për qind e personave të përfshirë në studim u prekën nga diabeti.
Ata që pinin të paktën një pije të ëmbël në ditë kishin18 për qind më shumë gjasa për t’u prekur nga diabeti i tipit 2.
Kjo është në përputhje me rezultatet e studimeve amerikane që thonë se personat që konsumojnë pije me sheqer janë 25 për qind më shumë në rrezik për t’u prekur nga diabeti, sesa ata që nuk konsumojnë pije të ngjashme.
Pija e ëmbël, është thënë, të jetë burimi kryesor i kalorive boshe dhe sheqernave të përpunuar, si në dietat amerikan edhe në ato evropiane.
Gjithashtu, studiesit gjetën lidhje midis pijeve të ëmbëla “Diet” dhe diabetit të tipit 2.
Por konsumuesit e pijeve të ëmbëla ‘Diet”, të cilët ushtroheshin fizikisht dhe ruanin një peshë të shëndetëshme trupore nuk ishin më shumë në rrezik nga diabeti i tipit 2, sesa ata që nuk konsumonin fare pije të tilla.
