Muhojirnoma
Yuridik Klinika
Inter-GAP
Tadbirkorlar Fabrikasi
Vatan Manzaralari
Talabalar Shaharchasi
Los-Anjelesdagi Kaliforniya universiteti ramziy belgisi
AQShda eng ko’p abiturientni o’ziga jalb qiladigan universitetlarni, shartli ravishda, sevimli universitetlar deb atadik. Chunki odam faqat o’zi yoqtirgan joyda o’qishni istaydi. Shunday ekan, eng ko’p hujjat topshirilayotgan universitetni eng ko’p sevilgan oliy o’quv yurti deb atash mumkin.
Bu universitetlarning nega buncha kop’ odamni o’ziga jalb qilishining sabablari turlicha. Lekin eng muhimi, albatta, o’qish sifati chakki emas. Amerikaliklar o’qish tanlashda, birinchi navbatda, universitetning sifat darajasiga qaraydi. Keling, endi raqamlarga nazar tashlaylik.
2011-yilda AQShda jami 8,2 million abiturient o’qish uchun ariza topshirgan. Qizig’i, eng ko’p abiturient jalb etgan 10 ta universitetning yettitasi Kaliforniya shtatida joylashgan.
Los-Anjelesdagi Kaliforniya universitetiga (University of California in Los Angeles) bakalavrlik darajasi uchun o’qishga jami 61,564 ta ariza kelib tushgan. Bu AQShdagi 1333 oliy o’quv yurti orasidagi eng katta ko’rsatkich.
San-Diyegodagi Kaliforniya universiteti (University of California in San Diego) va Berklidagi Kaliforniya universitetining (University of California in Berkley) har biri 50 mingdan ortiq ariza qabul qilgan. Long Bichdagi Kaliforniya davlat universitetiga (California State University in Long Beach) topshirilgan hujjatlar soni ham deyarli shunga yaqin – 49,767 ta.
| Universitet nomi va shtat | Qabul qilingan arizalar soni | Universitetlar reytingidagi o’rni |
|---|---|---|
| University of California–Los Angeles | 61,564 | 24, National Universities |
| University of California–San Diego | 53,448 | 38, National Universities |
| St. John’s University (NY) | 52,972 | 147, National Universities |
| University of California–Berkeley | 52,966 | 21, National Universities |
| California State University–Long Beach | 49,767 | 28, Regional Universities (West) |
| University of California–Irvine | 49,287 | 44, National Universities |
| University of California–Santa Barbara | 49,008 | 41, National Universities |
| Drexel University (PA) | 48,450 | 83, National Universities |
| University of California–Davis | 45,806 | 38, National Universities |
| Pennsylvania State University–University Park | 45,502 | 46, National Universities |
