Kanceri jo-melanoma

E Martë, 23 Mars 2010
Leave a comment

Astrit Lulushi, Zëri i Amerikës

Marsi është muaji i parë i pranverës dhe  rrethet mjekësore e përdorin këtë për rizgjimin e vetëdijes publike rreth kancerit lëkurës që shkaktohet nga qëndrimi i gjatë nën rrezet ultra vjollcë të diellit. Dy studime të reja tregojnë se kanceri i lëkurës i llojit jo-melanoma prek individë më shumë se të gjitha kanceret e tjera së bashku. Përhapje në përmasave të tilla ndonjëherë quhet epidemi.

Kanceri i lëkurës i llojit jo-melanoma mund të jetë më pak agresiv sesa kanceri i llojit melanoma, por është shumë më i përhapur dhe përgjegjës për sëmundje të rënda, kosto të lartë trajtimi, dhe vdekje.

Në të kaluarën, kanceri i lëkurës i llojit jo-melanomas nuk regjistrohej si kancer në regjistrat e statistikave mjekësore. Shkencëtarët rishikuan të dhënat e 50 vjetëve të fundit dhe arritën në përfundimin se në vitin 2007, 13-milion amerikanë të racës së bardhë, kishin të paktën nga një kancer i llojit jo-melanoma.

Studimi gjithashtu tregoi se mes 70 vjeçarëve,  një në pesë individë kishte pasur kancer jo-melanoma në lëkurë, dhe shumë prej tyre më shumë se një herë.

Numri i përgjithshëm i procedurave për trajtimin e kancerit të lëkurës mes të moshuarve mbi 65 vjeç është gjithashtu në rritje; nga rreth 1.6 milionë procedura në vitin 1992 në rreth 2 milionë procedura në vitin 2006.

Sipas një studimi, fushatat për edukimin e publikut për mbrojtjen nga dielli gjatë periudhës së verës, kanë qenë zhgënjyese përsa i përket ngadalësimit të përhapjes së kësaj sëmundjeje. Prandaj studimi rekomandon kryerjen e më shumë kërkimeve në fushën e  trajtimit dhe parandalimit të kancerit të lëkurës jo-melanoma.

Leave a Reply

Your email address will not be published. Required fields are marked *

Rreth autorit

Rreth autorit

brainAstrit Lulushi shkruan a sjell njoftime mbi zhvillime në mjekësi, shkencë e fusha të tjera.

Të gjitha informatat në këtë blog jane vetëm për njohuri të përgjithshme dhe jo për zëvendësim të këshillave mjekësore dhe trajtimeve për kushte të veçanta shëndetësore, për të cilat ju duhet të konsultoheni me mjekun tuaj. Lidhje të jashtme website ofruar në këtë blog janë të destinuara për lehtësi sqarimi dhe vetëm për qëllime informative.

Kalendar

March 2010
M T W T F S S
« Feb   Apr »
1234567
891011121314
15161718192021
22232425262728
293031