Astrit Lulushi, Zëri i Amerikë

Disa prindër që kanë fëmijë me autizëm mendojnë se fëmijët e tyre shpesh paraqesin shenja keqësimi kur hanë disa lloj ushqimesh. Por një studimi i largon këto shqetësime.  Gjatë studimit,14 fëmijë me autizëm iu nënshtruan një diete pa gluten dhe kaseinë, të cilat janë proteina që gjenden në qumësht dhe drithra. Disa prindër mendojnë se fëmijët me autizëm paraqesin shenja keqësimi kur hanë ushqime që përmbajnë proteina të tilla që gjenden kryesisht në niseshte, gjizë e djathra.  Mjekja Susan Hyman, e qëndrës mjekësore të universitetit Rochester thotë se këto vrejtje të prindërve janë të rëndësishme pasi i shtyjnë shkencëtarët t’i marrin ato në shqyrtim. Fëmijët autistik, të përfshirë në studimi, u vëzhguan si gjatë dietës ashtu edhe pas saj, për të parë ndryshimet që ata pësonin në tretje, gjumë, në të folur,  komunikim e ndërveprim shoqëror.

Gjatë studimit nuk u vu re se proteinat gluten dhe kasein ndikonin negativisht në sjelljen e fëmijëve me autizëm. Por ekspertët paralajmërojnë se studimi ishte i një shkalle të kufizuar për të arritur në përfundim të plotë se dietat pa gluten dhe pa kasein janë të dëmshme për pacientët me autizëm.

Autorët e studimit thonë se gjithësesi, nëse prindërit e fëmijëve me autizëm i ushqejnë ata me një dietë të kufizuar (me ushqime pa gluten dhe kasein), këta prindër  dihet patjetër të këshillohen me specialistë, për t’u siguruar që fëmijët marrin të gjitha vlerat e duhura ushqimore.