Astrit Lulushi, Zëri i Amerikës

Të rriturit preken nga të ftohuri e zakonhëm 3 deri 4 herë në vit – fëmijët deri në 10 herë.  Barnat që reklamohen kundër këtij lloj të ftohuri përmbajnë zink dhe kohët e fundit janë përhapur zëra se zinku shtesë  i marrë nga goja, mund të shkurtojë kohëzgjatjen e një të ftohuri. Por sa e vërtetë është kjo?

Një studim i ri në revistën e shoqatës kanadeze të mjekësisë (CMAJ) zbulon se në disa raste, dozat shtesë të zinkut vërtetë mund të shkurtojnë kohëzgjatjen e një të ftohuri tek të rriturit deri në 2 ditë.

Sidoqoftë, fëmijët nën moshën 18 vjeç nuk patën ndonjë përfitim nga marrja e zinkut shtesë.

Sipas studimit, rol luan edhe forma e zinkut; zinku kristalor (zinc acetate) doli se ishte më i efektshëm sesa zinku i ionizuar (gluconate zinc),

Rezultatet e studimit shoqërohen edhe me disa këshilla për të treguar kujdes.

Ndër efektet anësore të zinkut shtesë mund të jenë; shija e keqe, vjellje, dhimbje barku e diarre.

Edhe administrat e ushqimeve dhe barnave (FDA) paralajmëron kundër përdorimit spërkatjes së hundës me solucione që përmbajnë zink, sepse ato mund të shkaktojnë humbjen e përherëshme të aftësisë nuhatëse.