Astrit Lulushi, Zëri i Amerikës
SHBA, raporti mbi luftën kundër mbipeshës; shumica e grup-moshave në gjendje të qëndrueshme, por mes të rinjve mbipesha është në rritje. Pra, lajmet mbi luftën kundër mbipeshës nuk janë të mira, sidomos për djemtë.
Të dhënat e reja tregojnë se megjithëse nuk ka pasur një rritje të konsiderueshme në përhapjen e mbipeshës, mes disa grup-moshave të caktuara rastet e mbipeshës janë shtuar.
Dy studime të reja të botuar në Revistën e Shoqatës Mjekësore Amerikane (JAMA) zbulojnë se rreth 1 në 3 të rritur dhe 1në 6 fëmijë dhe adoleshentë janë mbipeshë.
Njëri studim tregon se mes vitit 2009 dhe 2010, 35.7 përqind e të gjithë amerikanëve ishin mbipeshë.
Mes meshkujve mesatarja ishte 35.5 përqind: duke filluar nga 36.2 përqind në mesin e jo-hispanikëve të bardhë dhe 38,8 përqind në mesin e jo-hispanikëve zezakë.
Për femrat mesatarja e mbipeshës ishte 35.8 përqind; me 32.2 përqind në mesin e grave të bardha jo-hispanike dhe 58,5 për qind në mesin e grave zezake jo-hispanike.
Por përpjekjet në shkallë kombëtare për të ulur mbipeshën – sidomos në mesin e fëmijëve dhe adoleshentëve – nuk dhanë rezultatet e pritura.
Për periudhën 2009-2010, mbipesha mes fëmijëve amerikanë mbeti 17 për qind, por shënoi një rritje të dukshme mes meshkujve të moshës adoleshente 12 – 19 vjeç.
