Astrit Lulushi, Zëri i Amerikës

Një paralajmërim i ri i frikshëm rreth anti-biotikëve dhe në ç’mënyrë mbi-përdorimi i tyre mund ta kthejë mjekësinë moderne në epokën e gurit.

Skenari që ekspertët kanë frikë i ngjan filmit fanta-shkencë “Contagion”, bazuar në kërcënimin që vjen nga një sëmundje vdekjeprurëse dhe në ç’mënyrë një ekip ndërkombëtar i mjekëve të kontraktuar nga Qëndra për Kontrollin e Sëmundjeve (CDC) përpiqet për t’a përmbajtur.

“Një prekje një transmetim – dhe njerëzit prekin fytyrën e tyre mesatarisht 3 deri 5 herë në minutë” – kjo është frika kryesore e filmit “Contagion”; sa shpejtë mund të përhapet sëmundja, sidomos nëse nuk ka ilaçe për t’a luftuar. “Kemi virus por pa mënyrë trajtimi; jo vaksinë në këtë kohë.” Këto fjalë në gojën e aktorit Laurence Fishburne shprehin frikën që njerëzimi mund të ndeshë nga mungesa e një ilaçi të ri për të trajtuar efektshëm një gjendje gjithnjë e më shqetësuese, për të cilën udhëheqësit e shëndetit në botë thonë se është e vëretë.

Alarmi tani po bie nga Organizata Botërore e Shëndetësisë dhe titulli i lajmit është; Një dhimbje gryke së shpejti mund të jetë fatale; mikrobet po bëhen gjithnjë e më rezistentë ndaj anti-biotikëve.

Dhe ky paralajmërim vjen nga mjekët më të lartë të botës, nga frika se antibiotikët e përshkruar tani nuk janë në gjendje të bllokojnë ose të vrasin shumë prej baktereve të cilët kanë ndryshuar përtej asaj që antibiotikët e sotëm mund të luftojnë.

Kryemjekja e Organizatës Botërore të Shëndetësisë, Margaret Chan thotë se bota po hyn në një krizë anti-biotike, ku operacionet rutinë mund të jenë të pamundur dhe një gërvishtje e lehtë gjuri mund të shndërrohet në plagë fatale.